صدرمملکت ممنون حسین ئِ ”پاک چین اقتصادی راہداری ، موہ ئُُ چیلنجز “ ئِ بُن گپ ئِ سر ئَ برجم داشتگیں سیمینار ئَ گشتانک

اسلام آباد۔ 29 مارچ (اے پی پی) صدرمملکت ممنون حسین ئَ گوشت کہ پاک چین اقتصادی راہداری ئِ سرجمی ئَ پد پاکستان ئُُ دگنیا ئِ ایندگہ دمگ آں گوں ھوار کپ ایت، سائنس دان ئُُ انجینئر اقتصادی راہداری ئَ را کامیات کنگ ئَ ارزسشتی ایں کرد ئِ پیلو کُت کن اَنت چیا کہ راہداری ئِ برجا بوھگ ئَ پد پڑ ئَ ٹیکنالوجی کئیت ئُُ نوکیں کاروبار بندات بنت، اے چیلنج ئَ گوں گر ئُُ چیل بوھگ ئَ مارا مزنیں کساسے ئَ بنی آدمی ھاٹیگ ئِ ضلورت بیت، پاکستان ئِ وانگ ئُُ زانگی کارگس آناں چین ئُُ دگنیا ئِ ایندگہ بھر آنی زانت ئُُ زانش ئَ ھوار یکجائی منصوبگ بندات کنگ لوٹیت۔ صدر ئِ مملکت ئَ اے گپ نیشنل یونیورسٹی فارسائنس اینڈ ٹیکنالوجی ئُُ انسٹی ٹیوٹ آف انجینئرز پاکستان ئِ چیر دستی ئَ پاک چین اقتصادی راہداری؛ موہ ئُُ چیلنجز ئِ بُن گپ ئِ سر ئَ یک سیمینار ئِ ئَ گوں گشتانک دیان ئَ کُت اَنت۔ اے موہ ئِ سر ئَ سائنس ئُُ ٹیکنالوجی ئِ بُنجاھی وزیر رانا تنویر حسین، پاکستان ئَ چین ئِ سفیر سن دی ڈونگ ئُُ ایندگر آں گشتانک دات۔