اسلام آباد۔ 29 مارچ (اے پی پی) مزن وزیر محمد نوازشریف ئَ گوشت کہ پاکستان بحرین ئَ را وتی نزیکیں دوستیں ئُُ دل یکیمیں شریکداریں ملک ئِ پھم ایت ئُُ دوئیں ملک آنی نیام ئَ وت مہ وتی یکوئی ئِ راجدپتر ئُُ دود ئُُ ریبدگی ئُُ اُلسی پڑ ئَ رو گ ئُُ آیگ ئِ سر ئَ دلوش آں۔ آئی ئَ اے گپ بحرین ئِ وزیر برائے صنعت ئُُ تجار ئُُ سئیل ئُُ سواد زید آرالزیانی ئَ گوں چار شمبے ئِ روچ ئَ مزن وزیر کارگس ئَ تران کنان ئَ کُت اَنت۔ ایشاں ٹولہ ئِ ھمبراھی ئَ گوں مزن وزیر ئَ گند ئُُ نند کُت۔ بحرین ئِ ٹولہ شیخ حمد بن سلمان الخلیفہ بدری فرید، عبدالرحمٰن عیسیٰ السعد ، سید ہشان الوائی سلمان الساکن ئُُ بحرین ئِ دگہ بازیں کارندہ ھوار اتنت۔ مزن وزیر ئَ دومی پاک بحرین کاروباری موہ کانفرنس ئَ بحرین ئِ جوانیں شریکداری ئَ را ساڑاات ئُُ بحرینی ٹولہ ئَ را پاکستان ئَ تجارتی ئُُ سئیل ئُُ سوادی شوبگ آنی تہ ئَ سرمایہ کاری کنگ ئِ موہ پٹگ ئِ سر ئَ دات دات۔ آئی ئَ گوشت کہ دوئیں ملک آنی نیام ئَ اقتصادی پڑ ئَ کمک ئَ چہ براتی یکوئی گیش مھکم بیت۔ مزن وزیر محمد نواز شریف ئَ گوشت کہ بحرین ئَ پاکستانی برات دوئیں ملک آنی نیام ئَ بنی آدمی پنجگ ئِ کرد ئَ پیلو کن اَنت ئُُ دوئیں ملک آنی دیمروئی ئُُ وشھالی ئَ المی ایں کرد ئَ پیلو کنگ ئَ اَنت۔
