اسلام آباد۔ 28 مارچ (اے پی پی) کابینہ ئِ اقتصادی رابطہ کمیٹی (ای سی سی) ئَ گیش دو لکھ میٹرک ٹن شکر برآمد کنگ ئِ اجازت داتگ ئُُ پاکستان سٹیل ملز کراچی ئِ ملازم آنی یک ماھے ئِ پگار آنی دیگ ئِ واستہ 38کروڑ کلدار جاڑی کنگ ئِ ھم منظوری داتگ، نان فائلرز آنی واستہ بینک آنی لین دین ئِ سر ئَ 0.4درسد ئِ کساس ئَ ود ہولڈنگ ٹیکس ئِ برجائی 30جون ئَ تاں دیم ئَ برگ ئِ پیسلہ کنگ بوتگ۔ اقتصادی رابطہ کمیٹی ئِ دیوان بُنجاھی وزیر ئِ ھزانگ سینیٹر اسحاق ڈار ئِ پاگواجئی ئَ برجم دارگ بوتگ وزارت ئِ تجارت ئِ شور ئُُ سلاھ ئَ ابید سنسڈی ئِ دو لکھ میٹرک ٹن شکر برآمد کنگ ئِ اجازت دیگ بوتگ، شکر ئِ برآمد سٹیٹ بنک آف پاکستان ئِ نیمگ ئَ برآمدی کوٹہ ئِ منظوری ئَ پد 60روچ ئِ اندر یا 31مئی ئَ اجازت دیگ بیت اے دیوان ئَ اے پیسلہ ھم کنگ بوت کہ ایوک ئَ اے ملک آناں برآمد کنگ ئِ اجازت بیت آ ملک ئَ دھکانی آنی وام ئِ ھمے کشار ئِ داتگ اَنت ئُُ سرجمیں اِزمکاری ئَ گوں کرشنگ ئِ کتگ اَنت۔
