اسلام آباد۔ 28 مارچ (اے پی پی) صدر مملکت ممنون حسین ئَ گوشت کہ سائنس ، ٹیکنالوجی ئُُ انجینئرنگ ئِ شوبگ ئَ نودربر آناں یک وڑیں وانگ ئُُ زانگ پُجارینگ ئُُ زرکاری ئَ را مھکم دارگ سک باز المی اِنت آئی ئَ اے گپ سئے شمبے ئِ روچ ئَ این ایف سی انسٹی ٹیوٹ آف انجینئرنگ اینڈ ٹیکنالوجی ئِ اولی سینیٹ میٹنگ ئِ پاگواجئی کنان ئَ کُت۔ صدر ئِ مملکت ئَ گوشت کہ وانگ ئُُ زانگی بُن جاھ آناں جوانیں زانت ئُُ زانش ئِ تالان کنگ ئِ ھاترا وتی انفراسٹرکچر آرا نوکیں زمانگ ئِ موہ آنی رد ئَ جوڑ کنگی اِنت تانکہ نودربرآناں انچیں موہ ئِ بہ رسیت کہ آ وتی چیریں اِزمکاری آنی کارمردی ئَ گوں راج ئِ نام ئَ بالا کُت بکن آں۔ آئی ئَ گوشت کہ اِچ راج تاں وھدئِ ددیمروئی کُت نہ کنت ھما وھد ئَ تاں آئی ئِ ھمک مردم ئِ کٹ ئِ تہ ئَ گیشی یے مہ بیت۔ صدر ئِ مملکت ئَ اُمیت سہرا کُت کہ انسٹی ٹیوٹ ئِ سینیٹ ادارگ ئَ دُچاریں توامیں جیڈھ آنی گیواری ئَ وتی کرد ئَ پیلو کنت۔
