اسلام آباد۔28 مارچ(اے پی پی) بُنجاھی وزیر ھزانگ سینیٹر اسحاق ڈار ئَ گوشت کہ 28بیست ئُُ ھشتمی مٹ ئُُ بدلی سیاسی گل آنی شور ئُُ سلاھ ئُُ تپاکی رایہ ئَ پد آرگ بوتگ ایشی ئِ سر ئَ سیاسی گل آنی شگر ئَ گراں، ناشرکاری ئِ اِچ نیک راھی نیست، آوانی مول ئُُ مراد ایوک ئَ تباھی اِنت۔ اُردی آمید گس آنی کانود ھلاس بوھگ ئِ وھد نزیک رسگ ئَ ناشرکاری ئِ یک نوکیں شوپچ ئِ بندات بوت، ڈنی دُگنیا ئَ ھم ناشرکاری ئَ گوں گر ئُُ چیل بوھگ ئِ ھاترا ھاسیں کانود جوڑ کتگ اَنت، مارا پشومانی بوھگ نہ لوٹ ایت۔ سئے شمبے ئَ ایوان ئِ بالا ئَ 28بیست ئُُ ھشتمی مٹ ئُُ بدلی بل ئِ سر ئَ ھیال آنی درشانی کنان ئَ آئی ئَ گوشت وزیر ئِ ھزانگ سینیٹر اسحاق ڈار ئَ گوشت کہ دسمبر 2014ئَ اے پی ایس ئِ وئیل ئَ پد جنوری 2015ئَ بل ئِ پجار کنائینگ بوتگ اَتنت۔ سپیکر قومی اسمبلی ئَ مزن وزیر ئِ ہدایت ئِ پد ئَ توامیں پارلیمانی رھشون آں گوں شور ئُُ سلاھ کنگ بوتگ اَت۔ دُرستی 15پانزدھ مشاورتی دیوان بوتگ ایشی ئَ چہ پد تپاکی ئَ گوں اے بل آرگ بوتگ اَنت۔ اے بل ئَ تپاکی رایہ ئَ گوں چار مٹ ئُُ بدلی ئِ پیسلہ کنگ بوتگ۔ گوریچانی وزیر ستان ناشرکاری ئِ گڈ جوڑ بوتگ۔
