اسلام آباد۔ 28 مارچ (اے پی پی) قومی اسمبلی ئِ سپیکر ایاز صادق ئِ پاگواجئی ئَ پارلیمانی ٹولہ ئَ ترک مزن وزیر بن علی یلدرم ئَ گوں گند ئُُ نند کُت ایشی ئِ تہ ئَ دوئیں ملک آنی نیام ئَ دو نیمگی یکوئی ئَ را گیش مھکم کنگ، اقتصادی ئُُ چاگردی شوبگ ئَ کمک آناں گیشی دیگ ئَ ھوار وت مہ وتی یکوئی ئِ درشان ئُُ ایندگہ جیڈھ آنی بابت ئَ ھیال ریچی کُت۔ قومی اسمبلی سیکریٹریٹ ئِ رد ئَ سپیکر ایاز صادق ئِ پاگواجئی ئَ پارلیمانی ٹولہ ترکی ئِ چار روچی سرکاری تر ئُُ تاب ئَ اِنت۔ اے موہ ئِ سر ئَ پاکستان ئِ پارلیمانی ٹولہ ئَ ترک مزن وزیر ئِ ھمبراھی ئَ دو نیمگی یکوئی ئِ جیڈھ آنی سر ئَ دو نیمگی ھیال ریچی کُت ئُُ دوئیں ملک آنی نیام ئَ وت مہ وتی تجارت ئُُ اقتصادی کمک ئِ شوبگ آنی تہ ئَ یکوئی ئَ را گیش مھکم کنگ ئِ سر ئَ تپاک کنگ بوت۔
