اسلام آباد۔ 28مارچ (اے پی پی) وزیراعظم محمد نواز شریف پارینے کہ پاک چین سنگتی پوسکن آ بڑزی تیا ٹی ئِ ہرا سی پیک و اہم اقتصادی بشخ آتیٹی تین پہ تینی کمک آن ظاہر ئِ۔ چین اتون پاکستان نا کمک نئے بیرہ ہڑتوم آ ملک آتیٹی شونہالی اتیک بلکن مچ آ ڈیہہ کن شونداری نا ذریعہ مریک۔ اوداہیت ئِ چائنہ ایروسپیس سائنس و انڈسٹری کارپوریشن نا چیئرمین آف بورڈ گاﺅہونگ وائی و چدائنہ پریسیزن مشینری امپورٹ ایکسپورٹ کارپوریشن نا چیئرمین آف بورڈ ژاو چیاولونگ تون سے شنبے نا دے داڑے ہیت وگپ اٹی پارے۔ وزیراعظم پارے کہ پاکستان نا اسٹریٹجک محل و وقوع اودے ایشیا نا اہم واپاری، توانائی و ٹرانسپورٹ کوریڈو جوڑ کیک۔ چین اتون پاکستان نا کمکاری نئے بیرہ ہڑتوم آ ملک آتیٹی شونہالی اتیک بلکن مچہ آ ڈیہہ کن شونداری نا ذریعہ مریک۔ وزیراعظم پارے کہ ساڑی حکومت اولیکو دے آن ہی معیشت نا بحالی، توانائی تنکی ئِ مر کننگ، سیکورٹی نا حالیت آتے گچین جوڑ کننگ و زرکارآتے مناسب وارخواہی فراوان کننگ آ چکار تخا۔ اوپارے کہ پاکستان نا اقتصادی منظرنامہ گدرینگوک آ چار سال اٹی یکسر بدل مسنے ہرانا اعتراف ئِ جہانی کہول آ ہم کننگ انگ ئِ۔ وزیراعظم دا ہیت آ زورشاغا کہ پاکستان نا زرکاری پالیسی براہ راست درملکی زرکاری ئِ راغب کننگ کن ساز گار کاروباری فضاءکن جامع ڈھانچہ فراوان کیک۔ اوپارے کہ پاکستان نا پالیسی رجحانات لبرلائزیشن ، ڈی ریگولیشن ، پرائیویٹا ئزیشن آن ہم آہنگ ئِ و زرکارآتے گچین آسراتی فراوان کننگ انگ ئِ۔ وزیراعظم ہڑتوم آ کمپنی تا چیئرمین تے زرکاری وارخواہی آن استفادہ کننگ نا دعوت ترسا پارے کہ پاکستان کٹیا دننگ آ ہچ ئُ پابندی اس عائد کپک و آزادانہ زرکاری کن پرکشش چاگڑد اس ارے۔ چینی کمپنی نا سروک آک جم و جوش اٹ خیر مقدم آ وزیراعظم نا منت وار ی ئِ ادا کرسا پاکستان تون کاروباری رابطہ غاتا مون آ دننگ نا عزم انا درشانی ئِ کرے۔ وزیراعظم ئِ داہم پاننگاکہ چینی کمپنیک تعلقدار کمامدارآتون مست آن رابطہ ٹی ئُ۔ بنجائی وزیر سائنس و ٹیکنالوجی رانا تنویر حسین ، چین نا سفیر سن وائی دونگ و ایلو سینئر کمامدارآک ہم اوڑدہی ٹی ساڑی ئسر۔
