کوئٹہ۔9جولائی (اے پی پی): بلوچستان حکومت ءِ جارچین لیاقت شاہوانی ءَ گشتگ کہ انوگیں صوبائی بجٹ اِد پدمنتگیں ضلع آنی ھاترءَ دیمروئی ءِ وشیں حالے بیت ء ُ درائیں دیمروئی منصوبہ آں سد درسد سرجم کنگ بیت۔ اے ھیالانی درشانی آئی ءَ اے پی پی ءَ گوں گپ ءُتران کنان ءَ کتگ، بلوچستان حکومت ءِ جارچین لیاقت علی شاہوانی ءَ گشتگ کہ انوگیں حکومت سرجمیں صوبہ ءِ یک وڑیں دیمروئی ءَ لوٹ ایت ءُ اے مول ءُ مرادءِ ھاترءَ صوبہ ءِ درائیں ضلع آں بازیں دیمروئی منصوبہ آنی سرءَ کار برجاہ اِنت کہ پہ وہد سرجمیں منصوبہ سد درسد سرجم کنگ بنت ءُ اُلسءِ جیڑہ ء ُجنجال گیش ءُ گیوار بنت بلوچستان ءِ سروزیر جام کمال ءِ ہمے ویژن اِنت کہ اُلس وش ء ُ وشھال بہ بنت آئی ءَ گشتگ کہ صوبائی حکومت وانگ زانگ، جان ءُ سلامتی ، آپ کشی ءُ کشت ء ُ کشاری ءَ ہوار ایندگہ درائیں پڑآنی گہتری ءُ انچیں بازیں منصوبہ بندات کتگ کہ ایشاں چہ پدمنتگیں اُلس ہم پائدگ چست کناں۔ آئی ءَ گشتگ کہ بلوچستان ءِ سروزیر ءَ درائیں ضلعی افسراناں ترندی ءَ پنت ءُ شون کتگ کہ آ درائیں دیمروئی منصوبہ آنی وت سرپانکی ءَ بہ کن اَنت کجام وڑیں شکایت ءِ پد ءَ آیانی حلاپ ءَ ترندیں کاروئی کنگ بیت۔
