سوشل ویلفیئر ڈیپارٹمنٹ کیچ ءِ چیر دستی ءَ وومن ٹیکنیکل ٹریننگ سنٹر ءَ جتا جتائیں کورسز وانینگ بوھگ ءَ اِنت، وانگ ءُ زانگ  ءُ ھیل کاری ءَ چہ  چاگرد  آسودگ ءُ وشھال بنت، چاگردی گہبودی کار کنوک شکیل غریب

اسلام آباد۔ 09جولائی (اے پی پی) سوشل ویلفیئر ڈیپارٹمنٹ کیچ ءِ چیر دستی ءَ وومن ٹیکنیکل ٹریننگ سنٹر ءَ جتا جتائیں کورسز وانینگ بوھگ ءَ انت، وانگ ءُ زانگ ءُ ھیل کاری ءَ چہ چاگرد آسودگ ءُ وشھال بنت۔ ملکی دیمروئی ءَ المی انت کہ ھمک مردم زانت کار ءُ بلد کار بہ بیت، ھمک مردم وھد ءِ ازم کار بیت گڈا چاگرد آسودگ  ءُ وشھال بنت۔ آدینگ ءِ روچ ءَ گوں اے پی پی ءَ چاگردی گہبودی کار کنوک شیکل غریب ءَ گوشت کہ سوشل ویلفیئر ڈیپارٹؐنٹ کیچ ءِ چیر دستی ءَ وومن ٹیکنیکل ٹریننگ سنٹر ءَ کمپیوٹر کورس، بیوٹیشن، بلوچی  دوچ ءِ دوچگ، ملتانی دوچ ءِ دوچگ، گُد ءِ پر جنگ ءُ پُل دوچگ، کوکنگ ءُ  ایندگر کورس وانینگ بوھگ ءَ انت۔  ایشانی تہ ءَ لستیں کورس سوشل ویلفیئر ڈیپارٹمنٹ کیچ ءُ این آر ایس پی  کیچ ءِ نیام ءَ منوگری ءِ چیر دستی ءَ ، لستیں نیوٹک، لستیں بی-ٹیوٹا ءُ لستیں سوشل ویلفیئر ڈیپارٹمنٹ کیچ ءِ وتی جندے کورس انت۔  ایشانی تہ ءَ کُلہ 240 زالبول بلدکار بوھگ ءُ سِکگ ءَ اِنت۔  اے کورس آںی تہ ءَ ڈپٹی ڈائریکٹر سوشل ویلفیئر ڈیپارٹمنٹ کیچ  قدید لقمان  ءِ پنت ءُ شون ءِ رد ءَ  دومی فیز ءَ  فرسٹ ایڈ کورس  ھوار کنگ بہ بیت،  ایشی ءِ تہ ءَ کسانوکیں ٹپ ءُ زیم  ءَ را وتی گس ءِ توک ءَ  زالبول دوا ءُ دارو کت بکن اَںت۔