اسلام آباد۔ 28مارچ (اے پی پی) مسلم لیگ (ن) نا سینیٹر نہال ہاشمی پارینے کہ وزیراعظم محمد نواز شریف نا اولیت ورناتے تعلیمی آسراتی تا فراوانی و ملک اٹی شونہالی اتنگ نا ئِ۔ ریڈیو پاکستان تون ہیت وگپ کرسا اوپارے کہ وزیراعظم پاکستان ملک انا ہر صوبہ و شار ئِ تینا وطن و اُراسمجھک و ہنداسوب ئِ کہ او اِرا تُو انا تہٹی صوبہ سندھ انا ہفت آن ہشت دورہ کرینے و حیدرآباد اٹی سیاسی کارندہ و الس نا بھلو کچ اس وزیراعظم ئِ بخیراٹ پاریر و ہموڑے یونیورسٹی ، شار انا صفائی ستھرائی تون اوار ایلو آسراتی تا فراوانی نا درخواست کریر ہراڑآ وزیراعظم محمد نواز شریف دمدستی گام گیج کرسا اسہ سد کروڑ یونیورسٹی وخت اس کہ 50 کروڑ روپئی شار انا صفائی و ستھرائی کن تننگ نا پڑو ئِ کرینے۔ اوپارے کہ وزیراعظم محمد نواز شریف و ننا پارٹی نا اولیت ورناتے تعلیم نا آسراتی و ملک اٹی شونہالی اتنگ نا ئِ۔ نہال ہاشمی پارے کہ وزیراعظم پاکستان خوائک کہ کراچی ٹھٹھہ و حیدرآباد تون اوار سندھ انا ایلو شار تے ہم شونداری کروک شارتا بریبر اتنگے۔
