نان فائلرز آتا بینک کاری لین دین آ 0.4درسد ودہولڈنگ خراج نا مد اٹی 30 جون اسکان ودیکی سرکاری بشخ انا کمک اٹ خولم نا ہلنگ نا ہدف 70لکھ ٹن
اسلام آباد۔ 28 مارچ (اے پی پی) کابینہ نا اقتصادی رابطہ کمیٹی 2 لکھ میٹرک ٹن بورہ نا پین برآمد نا موکل تس وخت اس کہ پاکستان اسٹیل مل کراچی نا ملازم آتا اسہ توانا پنداوڑی (دسمبر2016) کن 38 کروڑ روپئی نا فراوانی نا ہم منظوری ئِ تس۔ کابینہ نا اقتصادی رابطہ کمیٹی نا دیوان وزیر خزانہ محمد اسحاق ڈار نا کماشی ٹی سے شنبے نا سہب وزیراعظم آفس اٹی اڈ ہلک۔ ای سی سی نان فائلرز آتا بینک کاری لین دین آ کم کروک کچ انا 0.4 درسد ود ہولڈنگ خراج نا مد اٹی 30 جون 2017 ءاسکان ودکی نا منظوریئِ تس۔ کمیٹی خولم نا سرکاری بشخ انا ہلنگ کن کم وود 70 لکھ ٹن انا ہدف نا ہم منظوریئِ تس۔
