بنجاہی حکومت ءِ بندات کرتگیں دیمروی منصوبہ آں سندھ ءِ ھواریءَ درستیں ملکءَ دیمروی ءِ نوکیں وھد بندات بیت
حیدر آباد۔ 27مارچ ( اے پی پی) مزن وزیر محمد نواز شریف ءَ گشتگ انت کہ بنجاہی حکومت ءِ نیمگ ءَ بندات کرتگیں منصوبہ آں صوبہ سندھ ءِ ھواریءَ درستیں ملک ءَ دیمروی ءِ نوکیں وھد بندات بیت، آئی ءَ اے گپ لہتیں شعبہ ہائے زند ءِ گوں سیادی داروکیں مردم آں گوں گپءُُ تران کنگءَ کرتگ آھاں دو شمبے ءَ مسلم لیگ (ن) ءِ سینیٹر راحیلہ مگسیءِ گِسءَ داتگیں ظہرانہ ءِ موہ ءَ آھاں گند ءُُ نند کرتگ۔ مزن وزیر محمد نواز شریفءَ گشتگ کہ حکومتءَ سندھ ءَ باز مزنیں دیمروی منصوبہ بندات کرتگ انت آھانی سرجمی ءَ صوبہ ءِ اُلس ءَ آسراتی بہ رسیت۔ باسک بنجاہی اسمبلی سید وسیم حسینءِ سروکی ءَ متحدہ قومی موومنٹ پاکستانءِ باسک پارلیمانءِ ٹولہءَ مزن وزیر ءَ حیدر آباد ءِ شہری آں ھستیں مسئلہ ءَ آگاہ کنگءَ اے تاریخی شہر ءِ ھاترءَ ھاسیں دیمروی پیکج ءِجار جنئگ ءِ سرا زور داتگ۔ میئر حیدر آباد سید طیب حسین ءَ ہم مزن وزیر ءَ حیدر آباد میٹرو پولیٹن کار پوریشن ءِ نیمگ ءَ شہر ءِ دیمروی ءِ ھاترءَ کرتگیں کوشست آنی باروا آگاہ کنگءَ مزن وزیرءَ اے مکسد ءِ ھاترءَ ھاسیں گرانٹ ءِ جار جنئگ ءِ درخواست کرتگ۔ حیدر آباد چیمبر آف کامرس اینڈ انڈسٹری ءِ ٹولہ ءَ ضیاء الدین ءِ سروکی ءَ ءُُ حیدر آباد چیمبر آف سمال ٹریڈر اینڈ سمال انڈسٹری ءِ ٹولہ ءَ محمد امین کھتری ءِ سروکی ءَ مزن وزیر ءَ حیدر آباد ءِ کار باری برات آں ھستیں مسئلہ آنی باروا آگاہ کرت انت۔ حیدر آباد پریس کلب ءِ ٹولہ ءَ سینئر صحافی علی ھسن ءُُ لالہ رحمان سموں ءِ سروکی ءَ جرنلسٹ ہاؤسنگ سکیم ءِ مسئلہ ءَ آگاہ کنگ ءَ آھانی درخواست کرت انت کہ ڈگار ءِ اندراج ءِ ھاتر ءَ بنجاہی ٹیکس مہ گر انت مسلم لیگ (ن) حیدر آبادءِ ٹولہءَ گوست باسک بنجاہی اسمبلی صاحبزادہ شبیر حسین انصاریءِ سروکی ءَ مزنوزیرءَ پارٹی ءِ تنظیمی امور ءُُ سندھ ءِ دومی مزنیں شہر ءِ مہلوک ءَ ھستیں مسئلہ ءِ باروا ہم آگاہ کرت انت۔ مزن وزیر ءَ یقین داتگ کہ حیدر آباد ءِ مہلوکءَ ھستیں مسئلہ آنی ھل ءِ ھاتر ءَ سرجمی کوشست کنگ بیت۔ آئی ءَ گشتگ کہ بنجاہی حکومت ءِ فنڈ آں بندات کرتگیں دیمروی منصوبہ آنی سرجمی ءَ دمگ ءَ ھاسیں بدلی کیت۔ مسلم لیگ (ن) سندھ ءِ جنرل سیکرٹری سینیٹر نہال ہشمی ءُُ دومی راھشون سینیٹر سلیم ضیاء ممتاز بھٹو، غوث بخش مہر، سید اعجاز حسین شاہ شیرازی، سید شفقت حسین شاہ شیرازیءُُ سید ظفر علی شاہ ءَ ہم مزن وزیر ءِ گوں گند ءُُ نند کرت انت ءُ آھاں سندھ ءِ اُلس ءِ لہتیں مسئلہ آنی بارو�آگاہ کرت انت۔ اے موہ ءَ دومی آں ابید گورنر سندھ محمد زبیر، بنجاہی وزیر ریلوے خواجہ سعد رفیق، مزن وزیر ءِ معاون ھاس برائے سیاسی امور آصف کرمانی ہم مزن وزیرءِ ہمراہ اتنت۔
