اسلام آباد۔ 27مارچ (اے پی پی) چین پاکستان اقتصادی راہداری ڈٹ(سی پیک) نا پوروی آن دے ٹکی نیامی نا ملک آتے کروک آ پاکستانی برآمد آتیٹی کیہی گناودکی گمانی ئِ۔ سال 2015ءٹی دا ملک آتے 26ملین ڈالر نا برآمد کننگاسس ہرا فائدہ ہرفنگ آن بھاز کم ئُ ۔ اسٹیٹ بینک آف پاکستان نا رپورٹ نا رداٹ گدرینگوک آ مالی سال 2016ءٹی کرغستان ئِ بیرہ 7لکھ 36ہزار ڈالر نا برآمد کننگا ہرافتے ٹی فرنیچر نا برآمد آتا تناسب 0.003 درسد نا خڑک ئِ۔ رپورٹ نا رداٹ داوخت دے ٹکی نیامی نا ملک آتے میوہ و زوت خراب مروک آ صارف مصنوعات آتا برآمد کننگک۔ کراچی چیمبر آف کامرس اینڈ انڈسٹری نا مسکوہی صدر زبیر موتی والا پارینے کہ اوغانستان اٹی امن و ایمنی نا حالیت آتا سوب دے ٹکی نیامی نا ملک آتے کروک آ برآمد آک زہمی مریرہ۔ اوپارے کہ سی پیک نا پوروی و آپریشنل مننگ آن پد مچ آ دنیا نا ایلو ملک آتون اوار اوار دے ٹکی نیامی نا ملک آتے کروک آ برآمد آتیٹی نمان ودکی آن قومی صنعت و اقتصادیات آ خوشگوار زئم تمک۔
