اسلام آباد۔ 27مارچ (اے پی پی) اینخو مالی سال 2016-17ءنا اولیکو 7 تو اٹی جولائی آن جنوری ٹی فیڈرل بورڈ آف ریونیو (ایف بی آر) نا جم اٹنگا خراج وصولی تیٹی 7.6درسد نا ودکی مسنے۔ وزارت خزانہ نا رپورٹ نا رداٹ جاری مالی سال اٹی جولائی آن جنوری 2016-17 ءٹی 1.692کھرب روپئی نا خراج وصول کننگانے وخت اس کہ گدرینگوک آ مالی سال انا ہندا وخت اٹی ایف بی آر 1.573کھرب روپئی نا خراج وصول کریسس۔ رپورٹ نا رداٹ جاری مالی سال انا بنائی 7 تو اٹی براہ راست خراج آتا مد اٹی 669 ارب روپئی وصول کننگاسس وخت اس کہ گدرینگوک آ مالی سال اٹی جولائی آن جنوری 2015-16 ءٹی ایف بی آر ڈائریکٹ خراج آتا مد اٹی 605ارب روپئی نا وصولی کریسس ہنداوڑ گدرینگوک آ مالی سال انا مقابلہ ٹی اینخو مالی سال انا اولیکو 7 تو اٹی براہ راست خراج آتا مد اٹی وصولی تا کچ اٹی 10.5 درسد نا ودکی ریکارڈ کننگانے۔
