اسلام آباد۔ 27مارچ (اے پی پی) انسانی وسیلہ غاتا گچین کارآن ادارہ غاتا نسخان ئِ کٹیا ٹی بدلیفنگ مریک وخت اس کہ انسانی وسیلہ غاتا شونداری و مناسب کاریم اٹ اتنگ نا کمک اٹ ادارہ غاتا کارکڑد ئِ درست سمت اٹی روان کرسا درکار نتیجہ غاتا دوئی ئِ المی جوڑ کننگ مریک۔ اقتصادی جاچکار ڈاکٹر مرزا ابرار بیگ تینا رپورٹ اٹی پارینے کہ انسانی وسیلہ غاتا درست کاریم اٹ اتنگ آن کارکڑد اٹی ودکی کننگ مریک۔ اوپارے کہ ہرادارہ ، صنعت یا بشخ انا کارکڑد اٹی گچینی کن انسانی وسیلہ غاتا مناسب و درست کاریم اٹ اتنگ بنداوی اہمیت تخک۔ اوپارے کہ انفارمیشن ٹیکنالوجی نا دور اٹی انسانی وسیلہ غاتون اوار اوار ڈیٹا نا کاریم اٹ اتنگ و مارکیٹ نا گرج آتا پیش نظر ڈٹ بندی ہم بے کچ المی ئِ وخت اس کہ جدید پٹ وپول و ٹیکنالوجی آن فائدہ ہرفنگ ہم ادارہ جاتی شونداری نا کسرتے ہموار کننگ کیک۔ اوپارے کہ قومی ادارہ غاتا شونداری اوفتا کارکڑد اٹی گچینی کن انسانی وسیلہ غاتون اوار اوار ایلو گام گیج آتیان فائدہ ہرفنگ کن جامع حکمت عملی اس مرتب کننگ نا گرج ئِ۔
