اسلام آباد۔ 27 مارچ (اے پی پی) جہانی امور نا چاہندار ڈاکٹر خرم اقبال نا پاننگ ئِ کہ پاکستان آن دہشت گردی نا چٹفنگ کن پاک اوغان باڈر آ سیمی بست وبند المی ئِ۔ ریڈیو پاکستان نا رداٹ اوپارے کہ باڈر بست و بند آن بیدس پاکستان اٹی امن نا قیام ممکن اف۔ ڈاکٹر خرم پارے کہ نائن الیون نا واقعہ غان پد آن پاکستان پاک اوغان سیم آ بست و بندنا چرجوئی نا بناءکننگ نا کوشست کریسس، ولے امریکہ نا فوج اوغانستان اٹی بننگ آن پد امریکہ دوبہ غاتا خلنگ نا بنائِ کرے کہ غٹ شدت پسند پاکستان آ ہنانو و ہموکان اوغانستان آ دہشت گردانہ جلہو کننگک، دا دوبہ غاتا ورندی ئِ ترسا پاکستان پارے کہ ننے پاک اوغان سیم آ باڑ یا خندق ختنگ نا موکل تننگے و داوخت انا اوغان صدر حامد کرزئی پارے کہ نن دا سیم ئِ امنا کپنہ اوکان پد دا ویل انا ایسری التواءنا گواچی مس۔
