اسلام آباد۔ 27مارچ (اے پی پی) وزیراعلیٰ بلوچستان سردار ثناءاللہ زہری نا پاننگ ئِ کہ بلوچستان اٹی زرکاری نا بھلو وارخواہی اس ساڑی ئِ ۔ ریڈیو پاکستان نا رداٹ گوادر اٹی اڈ ہلوک آ دود آن تران کرسا اوپارے کہ مچ آ صوبہ ٹی الس نا شونداری و شونہالی کن گام گیج کننگ انگ ئِ، پاک چین اقتصادی راہداری نا رداٹ چندی شونداری ڈٹ آتا اجراءکننگ انگ ئِ و گوادر بندرگاہ ہم کاریم نا بنائِ کرینے ہراڑآن الس اٹی شونہالی بریک و روزگار نا وارخواہی ودی مریک۔ سردار ثناءاللہ پارے کہ غٹ ڈٹ آتا سوب بلوچستان ہندی و درملکی زرکارآتے کن بھاز پرکشش ئُ جاگہ اس جوڑ مسنے۔
