اسلام آباد۔23جون (اے پی پی): ھاربر ءِ بیسن بزاں توک ءِ توامیں ریک کساس 15 ءَ بگر تاں 18 لکھ کیوبک میٹر ریک جوڑ بنت ڈریج کنگ بہ بنت گڈا ھاربر جوانیں داب ءَ برجا بنت۔ چار شمبے ءِ روچ ءَ اے پی پی ءَ گوں تران کنان ءَ پسنی ءِ نامداریں سوشل ایکٹی ویسٹ شکیل غریب سومائیل زئی ءَ تران کت کہ پسنی فش ھاربر پروجیکٹ ءِ راستیں کچ ءُ کساس چو اے وڑ ءَ انت پسنی فش ھاربر اتھارٹی پسنی ءِ برجائی ءِ واستہ ری ایبلیٹیشن ءِ نام ءَ یک پروجیکٹ 210 ءَ منظور کنائینگ بوت۔ اے رد ءَ جاپان ءَ ھشتاد کروڑ ءِ گرانٹ دسمبر 2010 ءَ دات ءُ پروجیکٹ ءَ را چلائینگ ءِ واستہ پروجیکٹ منیجمنٹ یونٹ جوڑ کنگ بوتگ۔ پروجیکٹ منیجمنٹ یونٹ ءِ واستہ 5 کروڈ ءِ یک پی سی ون ءِ منظور کنائینگ بوت ءُ حکومت بلوچستان ءَ 5 کروڈ ءِ فنڈ ھم دات ایش پروجیکٹ مزور آنی تنخوا آنی دیگ ءُ کنٹیجنٹ ءِ مد ءَ 2012 ءَ جون 2020 ءَ ھرچ کنگ بوتگ انت ءُ ھشتاد کروڑ ءَ چہ بیست ءُ ھپت کروڑ دوازدہ لکھ ھپدہ ہزار ھرچ بوتگ انت ءُ نود ءُ دو کروڑ ھشتاد ءُ ھپت لکھ ھشتاد ءُ دو ہزار بقایا انت۔ ھرچ ءُ درچ ءِ سرجمیں ھال چو اے وڑ ءَ انت۔ ڈریجنگ 258646800، سول انوسٹیگیشن 3437000، کنسلٹنسی 13100000، کل خرچہ 271270000، بقایا۔۔رقم ۔ 528782000 ، محکمہ ءَ پی سی ون ءَ را 2018 ءَ ریوائیوزڈ کت ایشی ءِ کساس 1404000000 مد ءَ کنگ بوتگ ایش حکومت ءِ بلوچستان ءَ اپریل 2018 ءَ منظور کت ءُ گیش منظوری ءِ واستہ پلاننگ کمیشن اسلام آباد ءَ را روان دیگ بوتگ پلاننگ کمیشن اسلام آباد ءَ اگست 2020 ءَ منظور کنگ بوتگ ءُ بلے اے گوشت کہ پروجیکٹ ءَ را جی پی اے GPA ایگزکیوٹ کنت انت۔ حکومت بلوچستان ءَ ستمبر 2020 ءَ پلاننگ کمیشن اسلام آباد ءَ چہ اے پیسلہ ءِ سر ءَ چار ءُ بچار ءِ واستہ نبشتہ کت، بلے پلاننگ کمیشن اسلام آباد ءَ انوگ ءَ تاں پسو نہ کتگ ءُ بلوچستان حکومت ھم فالو اَپ بہ گپت۔ اے ریوائیوزڈ پی سی ون ءِ ھساب ءَ چہ یک ارب چیل کروڑ چار لکھ ءَ چہ بیست ءُ ھپت کروڑ دوہزادہ لکھ ھپدہ ہزار ھرچ بوتگ انت ءُ یک ارب سینزدہ کروڑ بیست ءُ ھپت لکھ ھشتاد ءُ ھپت ھزار بیلنس انت ایش گورنمنٹ آف بلوچستان ءِ کرا اَنت۔ اے پی سی ون ءِ رد ءَ پروجیکٹ ءِ بندات کنگ ءِ مٹ ءَ اے وھد ءَ پروجیکٹ ڈائریکٹر ءَ یک دگہ پی سی ون سہرا کنائینتگ ایشی ءِ کساس یک ارب شست ءُ دو کروڑ بوتگ ایش پی اینڈ ڈی ءَ ڈسکس بوتگ بلے منظور نہ بوتگ ءُ پروجیکٹ ڈائریکٹر مارچ 2021 ءَ ٹرانسفر بوتگ۔ نوکیں منیجنگ ڈایریکٹر مارچ ءَ پوسٹ بوتگ۔ آئی ءَ گوشت کہ پی ڈی ڈبلیو پی PDWP ءِ مٹینگ 29 اپریل ءَ بوتگ۔ ایشی ءِ اندر ءِ پیسلہ کنگ بوتگ کہ نوکیں پی سی ون ءَ را ڈیفر کنگ بوتگ۔ دومی پیسر ءَ ھرچی ھرچ ءُ درچ بوتگ ایشرا جتا کنگ ءِ پیسلہ بوتگ اے ھرچی ءِ سی ایم آئی ٹی ءَ چہ انکوائری ءِ پیسلہ کنگ بوتگ۔ سیمی ایش کہ فرش Fresh پی سی ون نوکیں فزیبلیٹی ءِ بنیات ءَ نوکیں پیسلہ کنگ بوتگ بزاں نوک سر نوکیں اسکیم لانچ کنگ ءِ پیسلہ کنگ بوتگ۔ چارمی ایش کہ کنسلٹنٹ ءَ را ھرچی انڈوانس دیگ بوتگ بریک واٹر ڈیزائن کنان ءَ ڈریجر مشین ءِ بھا زوری ءَ پروجیکٹ منیجمنٹ ءَ را رایہ دیگ ءُ پروجیکٹ ءِ supervision ءَ بکنت. بلے چار سال ءَ تاں اچ ءَ را گڈی سیم سر ءَ نہ برگ ءِ پد ءَ منیجنگ ڈائریکٹر فش ھاربر ءَ را پنت ءُ شونگ کنگ بوتگ کہ کنسلٹنٹ ءَ را یک کڑوڑ سی ءُ یک لکھ ایڈوانس ءِ رنگ ءَ ادئیگی آ زر آں ریکور بکنت۔ اے پیسلہ آنی منظوری سر وزیر بلوچستان ءَ چہ گرگی انت۔ ایش انوگ ءَ تاں گرگ نہ بوتگ انت۔ آئی ءَ گوشت کہ لسبیلہ گوادر ءِ ایم این اے ءَ راجی اسمبلی ءَ گشتانک داتگ کہ آواں دو ارب ءُ پنجا کروڑ کلدار منظور کنائینگی انت۔ آوانی ڈیپارٹمنٹ، اتھارٹی پروجیکٹ منیجمنٹ ءَ زانت ءُ پھمگ لوٹ ایت کہ ایش دگہ اسپیشیلیں فنڈ ءِ لوٹ ءَ کنگ ءَ نہ اَنت۔ دو ارب ءُ پنجاہ کروڑ ءَ چہ گیش بنجاھی پی ایس ڈی پی 2021 – 2022 ءَ ھوار کنگ بوتگ ایش وشیں گپ ات۔ اولی دانک ایش کہ نوکیں فزیبلٹی نوکیں اسکیم ءِ ضلورت نہ انت ایشی ءِ واستہ باز وھد پکار بیت۔ دومی دانک ایش کہ ریوائیوزڈ پی سی ون یک ارب چیل کروڑ ایگ انت ایش حکومت ءِ بلوچستان ءُ پلاننگ کمیشن اسلام آباد ءَ چہ منظور بوتگیں انت ایشرا برجا کنگ بہ بیت۔ سیمی نمبر ایش کہ پلاننگ کمیشن اسلام آباد ءَ را زاتی واھگ زوران ءَ دل یکیم کنگ بہ بیت کہ حکومت بلوچستان پروجیکٹ ءَ را ایگزکیوٹ کُت کنگ ءَ اِنت، ھمے واستہ پروجیکٹ حکومت بلوچستان ءَ را دیگ بہ بیت۔ چارمی دانک ایش کہ کنسلٹنٹ آرکاڈس ءَ را ایوک ءَ یک ماہے ءِ وھد دیگ بہ بیت کہ آ کار بندات بکنت ایشی ءَ ابید انڈوانس زر واپس کنگ بہ بنت ءُ نوکیں کنسلٹنٹ نامینگ بہ بیت یا NIO ءُ پاکستان نیوی ءَ گوں حکومتی تک ءَ پسنی فش ھاربر ءِ برجائی ءَ مین ٹیکنیکل کمک ءِ واستہ دزبندی کنگ بہ بیت اے دوئیں ادارگ آناں پسنی فش ھاربر ءِ سر ءَ جوانی ءَ گوں کار کتگ انوگ ءَ تاں واھگ دار ایت۔ آئی ءَ گوشت کہ امیت انت کہ اے سپارش آنی سرءَ چار ءُ بچار کنگ بیت۔ آئی ءَ گوشت کہ گیش ایش کہ لسبیلہ گوادر ءِ ایم این اے ءَ دو ارب ءُ پنجاہ کروڑ ءِ منظوری بنجاھی حکومت ءَ گپتگ؟ گڈا اے زر آناں ڈریجنگ ءِ سر ءَ ھرچ کنگ بہ بیت۔ چائینز ڈیجنگ پلان ءَ را پد ءُ رند کنگ بہ بیت ءُ اے زرّ ءِ اندر ءَ یک کلومیٹر چینل، ھاربر ءِ گوما ءُ نارتھ سائیڈ ءِ سر ءَ جم بوتگیں توامیں ریک آناں ءُ ھاربر انٹرینس، ھاربر ءِ بیسن بزاں توک ءِ توامیں ریک کساس 15 ءَ بگر تاں 18 لکھ کیوبک میٹر ریک جوڑ بنت ڈریج کنگ بہ بنت گڈا اے ھاربر جوانیں داب ءَ برجا بنت۔ اے ساھت ءَ بریک واٹر ءِ جوڑیشت ءُ ڈریجر مشین ءِ بھا زوری ھم کنگ بہ بیت۔
