اسلام آباد۔ 25 مارچ (اے پی پی) صدر مملکت ممنون حسینئَ سلاھ بندیں اُرد ئِ اپسرگ ئُُ ورنا آناں پاکستان ئِ روچ ئِ درگت ئَ جوانیں پریڈ ئِ کنگ ئِ درگت ئَ مبارکی دات ئُُ گوشت کہ پاک اُرد ئِ دیمپانی ئَ گوں دلیری ئَ پاکستان ئِ اُرد پیسر اَنت ئُُ ملک ئَ اِچ تاوان نہ ایت، حکومت اُرد ئِ پاکستان ئَ نوکیں ٹیکنالوجی ئِ سامان پُجارینگ ئِ اِچ موہ یل نہ دنت۔ صدر ئِ مملکت ئَ اے ھیالانی درشانی کنان ئَ پاکستان ئِ اُرد ئِ مزنیں ورگ ئُُ سلاھ بندیں اُرد ئِ یکجائی پریڈ ئِ درگت ئَ داد ی مراگش ئَ گشتانک دیان اَت۔ اے موہ ئِ سر ئَ پاک اُرد ئِ ٹوھیں ٹوھیں اپسرگ ئُُ ورنا آنی مزیں کساس ئِ ساڑی اَت۔ صدر ئِ مملکت ئَ سلاھ بندیں اُرد ئِ اپسرگ ئُُ ورنا آناں داد ئُُ مبارکی دات کہ آوانیں جوانیں کوشست ئَ چہ پریڈ کامیات بوتگ ئُُ آئی ئَ گوشت کہ ایش جوانیں دیمپانی ءِ پاکستانی اُرد ئِ تلپچیں ثبوت اِنت۔ آئی ئَ گوشت کہ راج ئَ سلاھ بندیں اُرد ئِ کزبی کار ئُُ کزبی اِزم ئِ سر ئَ پکر اِنتئُُ وطن دوست آنی رکھینگ، شرپ ئُُ اِزت ئِ ایش چیدگ اِنت۔ صدر ئِ مملکت ئَ اپسرگ ئُُ ورنا آں گوں دلگوش کنان ئَ تران کُت ئُُ گوشت کہ 23مارچ ئِ پریڈ ئَ شمارا گل ئُُ شات ئُُ شمے جوش ئُُ اِزم ئَ راج ئِ جوزگ آناں دلگوش ئُُ شات کتگ۔ شمے چست بوھوکیں ھمک گام ئَ پاکستان ئِ دژمن آنی دل آنی سر ئَ پد نکش کتگ ئُُ راج ئِ دل یکیمی ئَ را مھکم کتگ ئُُ پاکستان ئِ اُرد وتی کزبی کرد ئُُ اِزمی بالاد ئَ گوں وطن ئِ دیمپانی ئَ یک پنجگ ئُُ یک مشت ئَ اوشتاتگ اَنت۔
