اسلام آباد۔25مارچ( اے پی پی) چیف آف آرمی سٹاف جنرل قمر جاوید ءَ گشتگ کہ پاک اوگان سیمسرءِ سرءَ باڑ جنگءِ عمل بندات کنگ بوتگ، باجوڑ ءُ مہمند ایجنسی آنی سیمسری دمگاں ترندیں ھترہ ءِ زون آنی تہا ٹٹ جنگ مے اولی کارانی تہا ھوار اِنت۔ شہر آنی ھپازت ءَ را پکہ کنگءِ ھاترءَ دراھیں آسراتی کارمرز کنگ بنت۔ گہتریں منظم ، پلگاریں ءُ امنءُ ایمنیں سیمسر دوھیں براتیں ملک آنی واستہ پاھدگ اِنت۔ آئی ایس پی آر ءَ گشتگ کہ آرمی چیف ءَ اے گپ شمبے ءِ روچءَ مہمند ءُ اورکزئی ایجنسی آنی سیمسری دمگاں آنی ترءُ تاب ءِ موھ ءَ پاک فوج ءِ ورناھ آں گوں گپ ءُ تران کنانءَ کتگ۔ جنرل قمر باجوہ ءَ گشتگ کہ سیمسر ءِ سرءَ ھمک روچی بالی سرپانکی ءَ ابید پاک اوگان سیمسرءِ سرءَ گیشیں ٹیکنیکل سرویلینس ءِ وسیلگ ھم جنگ بوتگ اَنت۔ آئی ءَ گشتگ کہ پاک فوج ملکءِ دیمپانی ءُ امنءُ ایمنی دوستیں پاکستانی قبائل ءِ ھپازت ءُ پہازگ ءِ ھاترءَ دراھیں ضلوری آسراتی ءَ کارمرز کنت۔ آئی ءَ گشتگ کہ دو نیمگی سیمسر منیجمنٹ میکنزم ءِ ھاترءَ اوگان حکام ءِ گوما کوشست جاری اِنت۔ گہتر منظم ، پلگاریں ءُ امنءُ ایمنیں سیمسر دوھیں براتیں ملک آنی ھاترءَ پاھدگ اِنت کہ آھاں ناشرکاری ءِ ھلاپ ءَ بازیں قربانی داتگ۔
