اسلام آباد۔ 11جون (اے پی پی) حکومت بروک آ مالی سال انا بنجائی بجٹ اٹی سرکاری ملازم آتے 10 درسد ایڈہاک ریلیف الاؤنس وخت اس کہ پنشن اٹی 10 درسد ودکی نا پڑو کرینے۔ جمعہ نادے آ قومی اسمبلی ٹی پیش کروک آ بروک آ مالی سال انا بجٹ نا تقریر اٹی وزیر خزانہ شوکت ترین پڑو کرے کہ زرگزرانی حالیت آتے ٹی گچینی بسنے و نن محسوس کینہ کہ نہاد آتے ٹی ودکی نا سوب آن مخلوق نا ہلنگ نا وس ہم زہمی مسنے ہنداخاطرآن سرکاری ملازم و پنشنر آتے کن گام گیج آتا پڑو ءِ کننگک ہرانا رداٹ یکم جولائی 2021ء آن غٹ بنجائی سرکاری ملازم آتے دہ درسد ایڈہاک ریلیف الاؤنس تننگک۔ یکم جولائی آن پنشن اٹ دہ درسد ودکی کننگک۔ اردلی الاؤنس 14ہزار روپئی ماہانہ آن ودفسا 17500کننگک۔ گریڈ اسٹ آن پنچ اسکان نا ملازم آتا انٹیگریٹڈ الاؤنس 450 روپئی آن ودفسا 900 روپئی کننگ نا سلاہ ءِ۔
