اسلام آباد۔ 11جون (اے پی پی) بروک آ مالی سال 2021-22ء نا بنجائی بجٹ اٹی سالانہ شونداری پروگرام (پی ایس ڈی پی) نا رداٹ ہائیر ایجوکیشن کمیشن کن 42450ملین روپئی جتا کننگانے۔ جمعہ نادے آ جاری پی ایس ڈی پی نا رداٹ ایچ ای سی نا 128 برجاڈٹ آتے کن 29736.840ملین روپئی و 40پوسکن آ ڈٹ آتے کن 12713.160ملین روپئی جتا کننگانے۔ ایچ ای سی نا پوسکن آ ڈٹ آتے ٹی شہید ذوالفقار علی بھٹو میڈیکل یونیورسٹی اسلام آباد اٹی اکیڈمک بلاک نا تفنگ کن 300 ملین روپئی، خوشحال خان یونیورسٹی کرک نا مین کیمپس نا تفنگ کن 300 ملین روپئی، قائد عوام یونیورسٹی آف انجینئر، سائنس اینڈ ٹیکنالوجی نواب شاہ ٹی اِرا پوسکن آ بشخ آتا جوڑ کننگ کن 575ملین روپئی، گورنمنٹ کالج یونیورسٹی حیدر آباد سندھ انا جوڑ کننگ کن بنداوی گرج آتا شونداری کن 600 ملین روپئی جتا کننگانے۔ گورنمنٹ کالج یونیورسٹی لاہور کیمپس کالا شاہ کاکونا شونداری کن 300 ملین روپئی، یونیورسٹی آف اوکاڑہ نا شونداری کن 375ملین روپئی، این ای ڈی یونیورسٹی کراچی ٹی اکیڈمک آسراتی تا شونداری کن 200 ملین روپئی، ایس ایم بی بی میڈیکل یونیورسٹی لاڑکانہ ٹی پٹ پولی آسراتی کن 1000ملین روپئی، کامسیٹس یونیورسٹی اسلام آباد نا کوٹ ادھو کیمپس نا جوڑ کننگ کن 400 ملین روپئی، سرسہب ورناسپورٹس اکیڈمی و یوتھ اولمپس۔ ایچ ای سی نا جوڑ کننگ کن 350 ملین روپئی، سکھر آئی بی اے یونیورسٹی کن 525ملین روپئی، پیر عبداللہ قادر شاہ جیلانی انسٹیٹیوٹ آف میڈیکل سائنسز خیرپور اٹی پوسٹ گریجویٹ میڈیکل ایجوکیشن، انسٹیٹیوشن اینڈ ریسرچ سینٹر نا جوڑ کننگ کن 720 ملین روپئی جتا کننگانے۔
