اسلام آباد۔ 11جون (اے پی پی) بنجائی حکومت بروک آ مالی سال 2021-22نا بجٹ اٹی سرکاری بشخ انا شونداری پروگرام نا رداٹ ایوی ایشن ڈویژن نا 17 برجاڈٹ آتے کن جم وڑاٹ 3558.200ملین روپئی جتا کرینے۔جمعہ نادے آ ڈٹ بندی کمیشن نا کنڈآن جاری پی ایس ڈی پی نا حساب وکتاب نا رداٹ برجاڈٹ آتے ٹی کوئٹہ، کراچی، لاہور، ملتان، گوادر و سکھر ایئرپورٹ آتیا ایف ایس ایف کارندہ غاتا ہنکینی ماڑی تا تفنگ، زالبول آتے کن جتاءُ میس انا آسراتی نا فراوانی، اِرامزلہ و مسہ مزلہ ہاسٹل تا تفنگ و گچینی نا ڈٹ آک اوار ءُ۔ دا ڈٹ آتے ٹی ریڈار سسٹم ءِ فعال جوڑ کننگ و محکمہ موسمیات نا عملہ ءِ آسراتی فراوان کننگ کن پوسکن آ ریڈار تا تنصیب ہم اوار ءِ۔ داڈٹ آتا جم خڑچ انا کساس 36240.194ملین روپئی خلنگانے۔ ہرافتیان تدوک آ سال آتے ٹی 7807.461ملین روپئی خڑچ کننگانے وخت اس کہ 28432.733ملین روپئی نا فنڈ بروک آ سال تے ٹی جتا کننگک۔ بروک آ مالی سال انا بجٹ اٹی سرکاری بشخ انا شونداری پروگرام نا رداٹ دا ڈٹ آتے کن 3558.200 ملین روپئی تخنگانے۔
