اسلام آباد۔ 11جون (اے پی پی) بنجائی حکومت بروک آ مالی سال 2021-22ء نا سرکاری بشخ انا بجٹ اٹی شونداری پروگرام نا رداٹ ہاؤسنگ اینڈ ورکس ڈویژن نا 55 برجاو 60پوسکن آ ڈٹ آتیکن جم وڑاٹ 24211.511ملین روپئی جتا کرینے۔ جمعہ نادے آ داڑے جاری بروک آ مالی سال انا پی ایس ڈی پی نا حسا ب وکتاب نا رداٹ ہاؤسنگ اینڈ ورکس ڈویژن نا برجا55 ڈٹ آتیکن 13522.197ملین روپئی تخنگانے وخت اس کہ پوسکن آ 60 ڈٹ آتے کن 10689.314ملین روپئی تخنگانے۔ برجاڈٹ آتے ٹی پرائم منسٹر پروگرام نا رداٹ سندھ انا علاقہ حیدر آباد و میرپور خاص ڈویژن نا شونداری ڈٹ آتے کن 606.296ملین روپئی،ڈوڈھیال بائی پاس نا تفنگ کن 204.205ملین روپئی، سکھر اٹی نیب آفس نا تفنگ کن 50 ملین روپئی، مندرہ چکوال ڈبل روڈ انا تفنگ و بحالی 200ملین روپئی، سوہاوہ چکوال ڈبل روڈ انا تفنگ و بحالی کن 200 ملین روپئی، سی پیک اتون انٹیلی جنس بیورو دفترآتا تفنگ کن 50 ملین روپئی وخت اس کہ پوسکن آ ڈٹ آتے ٹی ڈسٹرکٹ بدین نا شونداری ڈٹ آتے کن200ملین روپئی، تحصیل تلہ گنگ ولاوہ ڈسٹرکٹ چکوال نا روڈز آتا گچینی و تفنگ کن 265.500 ملین روپئی، ڈسٹرکٹ شکارپور سندھ اٹی نہہ اسکیم تا تفنگ کن 473ملین روپئی وایلوپوسکن آ ڈٹ آتے کن زرجتا کرینے۔
