اسلام آباد۔ 11جون (اے پی پی) بروک آ مالی سال 2021-22نا سالانہ بجٹ اٹی سرکاری بشخ انا شونداری پروگرام (پی ایس ڈی پی) نا رداٹ فوڈ سیکورٹی اینڈ ریسرچ ڈویژن نا پوسکن آ و برجاڈٹ آتے کن جم وڑاٹ 12017.280ملین روپئی جتا کننگانے۔ پی ایس ڈی پی نا رداٹ فوڈ سیکورٹی ڈویژن نا 28برجا ڈٹ آتے کن 8139.66ملین روپئی وخت اس کہ 8پوسکن آ ڈٹ آتیکن 3878.114ملین روپئی جتا کننگانے۔ برجاڈٹ آتے ٹی پاکستان اٹی کرپاس نا پائیدار بنداو تیا پیدوار اٹی ودکی کن 113.896ملین روپئی، کیج کلچرل کلسٹر ڈویلپمنٹ پروگرام کن 105.818ملین روپئی،بچھڑاسنبھالنگ نا ڈٹ اکن 129.905ملین روپئی، ملک اٹی پٹاٹہ نا پیدوار اٹی ودکی کن ٹشو کلچر ٹیکنالوجی نا ڈٹ اکن 33.170ملین روپئی، کراچی ٹی ساہدار تا بابت لیبارٹری نا جوڑ کننگ نا ڈٹ اکن 63.300ملین روپئی، کرپاس نا پیدوار اٹی ودکی کن کاریم نا کچ ءِ ودفنگ نا ڈٹ اکن 277.661ملین روپئی، بارانی علاقہ غاتے ٹی چنکو و نیامی درجہ نا ڈیم تا تفنگ کن 700ملین روپئی، پلانٹ بریڈرزرائٹس رجسٹری نا جوڑ کننگ کن 100ملین روپئی، بھلا و نہادی فصل آتا چاروکی کن 35.559ملین روپئی، نیشنل آئل سیڈ انہانسمنٹ پروگرام کن 280ملین روپئی، ایٹ و میل تیٹی پی آرپی نا کنٹرول نا ڈٹ اکن 219ملین روپئی، واٹرکورس انا قومی ڈٹ انا ارٹ میکو ریسہ کن 3000ملین روپئی، شرمپ فارمنگ کلسٹر ڈویلپمنٹ پروگرام کن 105ملین روپئی وزیراعظم نا بچھڑابچاؤ پروگرام کن 188.888ملین روپئی، وزیراعظم نا بیک یار ڈ پولٹری پروگرام کن 50.073ملین روپئی، برنج آتا پیدوار اٹی ودکی نا ڈٹ اکن 527.421ملین روپئی، گنڈیری نا پیدوار نا ودکی نا ڈٹ اکن 107.278ملین روپئی، خولم نا پیدوار اٹی ودکی نا ڈٹ اکن 900ملین روپئی، دال تا پیدوار اٹی ودکی کن پٹ وپولی سرجزآتے مون آ دننگ کن 261.843ملین روپئی جتا کننگانے۔ ملک انا قطبی علاقہ غاتے ٹی ٹراؤٹ مچھی نا افزائش کن 182.843ملین روپئی، سائنو پاک ایگری کلچرل بریڈنگ انووویشن پروجیکٹ کن 88.980ملین روپئی، عمرکوٹ سندھ اٹی لائیو اسٹاک ریسرچ سسٹم کن 225.786 ملین روپئی، مانیٹرنگ و ایوولیشن سیل ءِ پین سوگو کننگ کن 16.280ملین روپئی، کراچی ٹی سیڈ ٹیسٹنگ لیبارٹری کن 34.879ملین روپئی، ایگروایکولوجیکل زونزپروجیکٹ آتے کن 33.050ملین روپئی، اینمل کوارنٹائن سٹیشن نا اپ گریڈیشن کن 29.501ملین روپئی وخت اس کہ خیبرپختونخواٹی دیر انا کوڑی تے ودفنگ نا ڈٹ اکن 350ملین روپئی جتا کننگانے۔ بروک آ مالی سال 2021-22ء نا پی ایس ڈی پی نا رداٹ نیشنل فوڈ سیکورٹی اینڈ ریسرچ ڈویژن نا پوسکن آ ڈٹ آتے ٹی کنزیومر سورسنگ سیڈایتھن سٹی سسٹم نا جوڑ کننگ کن 290.500ملین جتا کننگانے۔ بلوچستان اٹی سیڈ سرٹیفکیشن سروسز نا جوڑ کننگ کن 17.280ملین روپئی، وزیراعظم نا کشاری بشخ انا ایمرجنسی پروگرام نا رداٹ کے پی و بلوچستان اٹی کرپاس نا پیدوار اٹی ودکی نا ڈٹ اکن 200ملین روپئی، لوکسٹ ایمرجنسی اینڈ فوڈ سیکورٹی پروجیکٹ کن اسہ ہزار ملین روپئی، ساہدار تا ناجوڑی نا چٹفنگ نا قومی پروگرام کن 840.744ملین روپئی، ملک اٹی زیتون نا دسنگ نا ڈٹ آتے کن 955.472ملین روپئی، قومی لیبز ءِ جہانی فوڈ سٹینڈرز نا بریبر کننگ نا ڈٹ اکن 324.118ملین روپئی وخت اس کہ سندھ اٹی سنٹرل کاٹن انسٹی ریسرچ انسٹی ٹیوٹ نا اپ گریڈیشن کن 250 ملین روپئی جتا کننگانے۔
