اسلام آباد۔ 11جون (اے پی پی) بروک آ مالی سال 2021-22کن 38 وزارت/ڈویژن آتا چندی شونداری ڈٹ آتے کن سرکاری بشخ انا شونداری پروگرام (پی ایس ڈی پی) نا رداٹ 628245.953ملین روپئی جتا کننگانے۔ جمعہ نادے آ داڑے جاری کروک آ پی ایس ڈی پی نا حساب وکتاب نا رداٹ بروک آ مالی سال اکن پی ایس ڈی پی نا رداٹ بجٹ اٹی درملکی امداد نا مد اٹی 37634.472ملین روپئی جتا کننگانے وخت اس کہ بنجائی وزارت و ڈویژن تا شونداری ڈٹ آتا پوروی کن بنجائی حکومت تینا وسیلہ غاتیان 590630.481ملین روپئی فراوان کیک۔ ہنداوڑ بروک آ مالی سال انا بجٹ اٹ درملکی امداد و حکومت نا تینا وسیلہ غاتیان جم وڑاٹ 628254.953ملین روپئی جتا کننگانے۔ یات سلے کہ اینخو مالی سال 2020-21کن پی ایس ڈی پی نا رداٹ 418675.165ملین روپئی جتا کننگاسس ہرافتے ٹی درملکی امداد نا مد اٹی 29183.325ملین روپئی وخت اس کہ حکومت نا وسیلہ غاتیان 389491.840ملین روپئی نا بجٹ جتا کننگاسس۔ ہنداوڑ بنجائی حکومت 38وزارت و ڈویژن آتے کن پی ایس ڈی پی نا رداٹ بروک آ مالی سال انا بجٹ اٹی 209579.788ملین روپئی نا ودکی کرینے۔
