اسلام آباد۔ 11جون (اے پی پی) بروک آ مالی سال 2021-22ء نا سالانہ بجٹ اٹی سرکاری بشخ انا شونداری پروگرام (پی ایس ڈی پی) نا رداٹ کامرس ڈویژن نا اِرا برجا و مسہ پوسکن آ ڈٹ آتے کن جم وڑاٹ 1613.500ملین روپئی جتا کننگانے۔ کامرس ڈویژن نا اِراپوسکن آ ڈٹ آتے کن 1313.500ملین روپئی وخت اس کہ مسہ برجاڈٹ آتیکن 300ملین روپئی جتا کننگانے۔ برجاپی ایس ڈی پی نا رداٹ کامرس ڈویژن نا برجا ڈٹ ایکسپوسینٹر پشاور کن 513.500ملین روپئی،ایکسپو سینٹرکوئٹہ کن 800 ملین روپئی جتا کننگانے۔ کامرس ڈویژن نا پوسکن آ ڈٹ ہرافتے ٹی گوادر اٹی جائنٹ بارڈر مارکیٹ نا جوڑ کننگ کن 100ملین روپئی، بلوچستان نا ضلع کیچ اٹی جائنٹ بارڈر مارکیٹ نا جوڑ کننگ کن 100 ملین روپئی، ضلع پنجگور اٹی بارڈر جائنٹ مارکیٹ نا جوڑ کننگ کن 100ملین روپئی جتا کننگانے۔
