کراچی۔ 11جون (اے پی پی) گورنر اسٹیٹ بینک آف پاکستان ڈاکٹر رضاباقر ءِ سال 2022ء کن فنانشل سروسز بورڈ(آئی ایف ایس بی) نا جنرل اسمبلی نا چیئرمین پن کننگانے۔ مرکزی بینک آن جمعہ نادے آ جاری کروک اعلامیہ نا رداٹ اونا تقرر نا منظوری ءِ آئی ایف ایس بی نا جنرل اسمبلی تینا 9جون 2021آ اڈہلوک آ 19می دیوان اٹ تس۔ گورنر اسٹیٹ بینک بیست می جنرل اسمبلی نا چیئرمین نا وڑاٹ تینا تقرر آ آئی ایف ایس بی کونسل و جنرل اسمبلی نا باسک آتا منت واری ءِ ہرفے کہ اوداباوقار فورم نا سرکڑدہ ئی ءِ کننگ نا چرجوئی ٹی اوڑآ پت انا درشانی ءِ کریر و داعزم ظاہرکرے کہ آئی ایف ایس بی جہانی کہول آ اسلامی مالیات اٹ آب انا تعین ءِ کروک آ صف اول نا ادارہ نا حیثیت اٹ کاریم کرساکیک۔ اومستی پار ے کہ آئی ایف ایس بی نا پن کروک آب جہانی کہول آ اسلامی مالیات نا ضوابطی و محتاطیہ فریم ورک ءِ سوگو کننگ اٹ کمک ایتک۔ ڈاکٹر رضاباقر داوخت آ آئی ایس ایس بی نا کونسل نا ڈپٹی چیئرمین نا وڑاٹ خذمت سرتننگ ءِ و داکونسل ہم اسہ سینئر ایگزیکٹیو و پالیسی ساز ادارہ اسے ہرااسلامی مالیات آ ضوابطی و نگران ادارہ غاتا سروک آتیا تالان ءِ۔ آئی ایف ایس بی جنرل اسمبلی تینا مسہ زمرہ غاتا باسک یعنی پورو باسک، ایسوسی ایٹ باسک ومبصر باسک آتا بڑزکوانگا نمائندہ ادارہ ءِ۔ جون 2021ء اکان آئی ایف ایس بی نا 187باسک ءُ، ہرافتے ٹی 81ضوابطی و نگراں ادارہ، 10جہانی بین الحکومتی تنظیم و 96مارکیٹ پلیئرز ءُ ہرافتے ٹی 57علاقہ غاتے ٹی کاریم کروک آ مالی ادارہ، پروفیشنل فرم، صنعتی انجمن و اسٹاک ایکسچینج آک اوار ءُ۔ 2003اٹی کوالالمپور، ملائیشیاٹی جوڑ مروک آ آئی ایف ایس بی تعین معیارات نا اسہ جہانی ءُ ادارہ اسے ہرا جہانی اسلامی مالی خذمت آتا بشخ اکن محتاطیہ آب و راہشون اصول جاری کرسا دابشخ انا درستی و سوگوی ءِ مون آ درسا ودفک۔
