اسلام آباد۔ 11جون (اے پی پی) بنجائی وزیر سائنس و ٹیکنالوجی شبلی فراز تون فیڈرل ایسوسی ایشن آف گورنمنٹ انجینئرز نا ڈل جمعہ نادے آ داڑے اوڑدہی کرے۔ اوڑدہی ٹی انجینئرآتے مون تروک ویل آتا بابت گپ وتران کننگا۔ بنجائی وزیر ڈل ءِ انجینئر آتا ویل آتا ایسری کن پبی کڑد ادا کننگ نا باوری کرفساپارے کہ پی ای سی ءِ انجینئر آتا پورو ڈیٹابینک اس جوڑ کننگ و انجینئرآتا راجی آسراتی نا ڈٹ آتیاکاریم کننگ نا ہم پارت کرینے۔ شبلی فراز پارے کہ ڈیٹا بینک آخبت نا پالیسی جوڑ کننگ و ویل آتا پائیدار ایسر اس پٹنگ اٹ آسانی ودکی کیک۔
