ملک انا گیشتر علاقہ غاتے ٹی موسم بھاز باسن و پِرکپننگ نا گمان ءِ، محکمہ موسمیات

اسلام آباد۔ 11جون (اے پی پی) محکمہ موسمیات نا رداٹ بروک آ 24گھنٹہ ٹی ملک انا گیشتر علاقہ غاتے ٹی موسم باسن و پِرکپننگ نا گمان ءِ وخت اس کہ ہنداوخت آ شام، نن نا وخت آتے ٹی بڑزکو پنجاب، بڑزکو خیبرپختونخوا، کشمیر و گلگت بلتستان نا گڑاس علاقہ غاتے ٹی لوڑ و ہورہ و گروک اٹ پِر وخت اس کہ گڑاس ہند آتیا ترند پِر و ترونگڑنا ہم گمان ارے۔ حوال نا رداٹ تدوک آ 24گھنٹہ ٹی ملک اناگیشتر علاقہ غاتے ٹی موسم باسن و پِرکتنے وخت اس کہ سندھ، سویلی و نیامی بلوچستان و سویلی پنجاب اٹی بھاز باسنی مسنے۔