راولپنڈی۔ 10جون (اے پی پی) آرمی چیف جنرل قمرجاوید باجوہ تون بل گیٹس فاؤنڈیشن نا جہانی شونداری پروگرام نا صدر پولیو تور نا جہانی گام گیج نا نگران بورڈ انا سروک کرسٹو فرالائس اوڑدہی کرینے۔ اوڑدہی ٹی پولیو نا چٹفنگ کن پاکستان نا عزم انا بابت امور آ گپ وتران کننگا۔ پنچ شنبے نادے آ آئی ایس پی آر آن جاری بیان نا رداٹ آرمی چیف جنرل قمر جاوید باجوہ پولیو نا چٹفنگ کن پولیو ورکرز آتا خذمت آتا ستاءِ کرسا پارے کہ پولیو نا چٹفنگ اسہ قومی ءُ مسخت اسے، کرسٹو فرالائس پولیو نا چٹفنگ کن قومی پولیو مہم نا کمک و پولیو مہم اٹی باقاعدہ رسینگ ءِ پک کننگ و کمیونٹی راہشون وبااثربندغ آتا اوار مننگ ءِ پک کننگ آ پارک آرمی نا کڑد انا ستاءِ کرے۔ اوکورونا دین اتون مون تننگ کن پاکستان نا کوشست و پاک فوج انا کڑد انا ہم ستاءِ کرے۔ آرمی چیف بل گیٹس فاؤنڈیشن نا جہانی کہول آ پولیو نا چٹفنگ نا کوشست آتا ستاءِ کرے و پاک فوج انا ہروڑاٹ کمکاری نا باوری کرفے۔
