اسلام آباد۔ 10جون (اے پی پی) وزیر مملکت حوالکاری وشینکاری فرخ حبیب پارینے کہ دنیا نا بھلا زرکاری نا مالیاتی ادارہ جے پی مورگن تینا حوال ءِ جاری کرینے، 2021ء ٹی جی ڈی پی نا کچ 4.7، نسخان 7.1درسد و بروک آ سال انا5.9درسد مننگ نا پیشنگوئی کرے۔ وزیر مملکت حوالکاری وشینکاری فرخ حبیب پنچ شنبے نادے آ تینا ٹویٹ اٹی پارے کہ جے پی مورگن پارینے کہ پاکستان اٹی زرکاری کیر، داڑے زرگزرانی حالیت گچین مننگ ءِ۔ جے پی مورگن 2021ء ٹی پاکستان نا جی ڈی پی نا کچ 4.7نا پیشگوئی کرینے۔ حوال نا رداٹ بروک آ سال زرگزرانی کچ 329ارب ڈالر مریک۔ جے پی مورگن پاکستان نا داسال انا بجٹ نسخان 7.1درسد و بروک آ سال انا 5.9درسد مننگ نا ہم پیشنگوئی کرینے۔ داڑآن پاکستان نا وام تا جی ڈی پی نا تناسب آن شرح 81.6درسد آ بریک ہرا2020ء ٹی 87.6ئس۔
