اسلام آباد۔ 10جون (اے پی پی) وزیراعظم نا سلاہکار واپار عبدالرزاق داؤد پارینے کہ اینخو مالی سال انا 10تُو اٹی سُو انا برآمد آتے ٹی 9 درسد ودکی مسنے۔ پنچ شنبے نادے آ اسہ ٹویٹ اسے ٹی اوپارے کہ اینخو مالی سال 2020-21ء ٹی سُوانا برآمد آتے 9 درسد ودکی اتون 280ملین ڈالر ریکارڈ کننگانے ہراتدوک آ مالی سال انا ہندامد اٹی 257ملین ڈالر ئسر اوپارے کہ پوسکن آ منڈی اسکان رسینگ و برآمد آتا آب اٹ گچینی اتنگ آن برآمدی کچ ودانے۔
