اسلام آباد۔ 10جون (اے پی پی) پاکستان اٹی تدوک آ اسہ سال اٹی بورہ، خولم، نت، پٹرول، کنوئی آ تیل اتون اوار چندی المی آ گڑاتا نہاد آتے ٹی مروک آ ودکی جہانی مارکیٹ نا مقابلہ ٹی بھاز کم ئس۔ پاکستان اٹی اسہ سال اٹی بورہ نا نہاد اٹی 19.70درسد وخت اس کہ جہانی مارکیٹ اٹی 58.3درسد ودکی ریکارڈ کننگا، ہنداوڑ پٹرول نا نہاد اٹی 33 درسد وخت اس کہ جہانی مارکیٹ اٹی خام تیل انا نہاد اٹی 119.4درسد ودکی ریکارڈ کننگا۔ پاکستان اٹی بناسپی سی انا نہاد اٹی 52.58درسد وکوکنگ آئل نا نہاد اٹی 20.65درسد وخت اس کہ جہانی مارکیٹ اٹی پام آئل نا نہاد اٹی 102.6 درسد و سویابین آئل نا نہاد اٹی 119.2ودکی مون آبس۔ وزارت خزانہ نا حوالی نا رداٹ مئی 2020ء ٹی پاکستان اٹی (ریفائنڈ) بورہ نا فی کلو نہاد 81.37روپئی فی کلو گرام ئس وخت اس کہ مئی 2021ء ٹی بورہ نا نہاد 97.43روپئی فی کلوگرام مسنے ہنداوڑ تدوک آ اسہ سال اٹی پاکستان اٹ بورہ نا فی کلو نہاد اٹی 19.70درسد ودکی مسنے، ایلو کنڈآ جہانی مارکیٹ اٹی مئی 2020ء ٹی بورہ نا نہاد 240ڈالر فی میٹرک ٹن ئس ہرامئی 2021ء ٹی 380ڈالر فی میٹرک ٹن اسکان سرمس ہنداوڑ جہانی منڈی ٹی بورہ نا نہاداٹی 58.3درسد ودکی ریکارڈ کننگانے۔ تدوک آ اسہ سال اٹی پاکستان نا مقابلہ ٹی جہانی منڈی ٹی بورہ نا نہاداٹی 38.60درسد زیات ودکی مسنے۔ رپورٹ نا رداٹ مئی 2020ء ٹی پاکستان اٹی کوکنگ آئل نا نہاد 1276.40روپئی فی 5کلوگرام ئس ہرا مئی 2021ء ٹی 1540روپئی مسنے و اسہ سال انا وخت اٹی ملک اٹی کوکنگ آئل نا پنچ کلو نا نہاد اٹی 20.65درسد ودکی مسنے وخت اس کہ مئی 2020ء ٹی جہانی منڈی ٹی سویابین آئل نا فی میٹرک ٹن نہاد 684ڈالر ئس ہرا مئی2021ء ٹی نہاد 1499ڈالر فی میٹرک ٹن اسکان سرمس۔ نہاد اٹی ودکی نا کچ 119.2درسد مسنے۔ ہنداوڑ پاکستان نا مقابلہ ٹی جہانی مارکیٹ اٹی کوکنگ آئل نا نہاد اٹی 98.55درسد زیات ودکی مسنے۔ داکان بیدس مئی 2020ء ٹی پاکستان اٹی ویجی ٹیبل سی انا نہاد 247.29روپئی کلوئس ہرا 22.58درسد ودکی اتون مئی 2021ء ٹی 303.12روپئی فی کلو اسکان ودانے۔ ایلوکنڈآ جہانی منڈی ٹی پام آئل نا فی میٹرک ٹن نہاد مئی 2020ء ٹی 574ڈالرئس ہرامئی 2021ء ٹی 1163ڈالر فی میٹرک ٹن اسکان سرمس و نہاد اٹی اسہ سال انا وخت اٹی 102.6درسد ودکی ریکارڈ کننگانے۔ ایلوکنڈآ مئی 2020ء ٹی پاکستان اٹی پٹرول نا فی لیٹر نہاد 81.58روپئی ئس ہرا33 درسد ودکی اتون مئی 2021ء ٹی 108.56روپئی فی لیٹر اسکان ودانے وخت اس کہ جہانی مارکیٹ اٹی مئی 2020ء ٹی کروڈ آئل نا نہاد 33 ڈالر فی میٹرک ٹن ئس و 119.4درسد نا ودکی اتون مئی 2021ء ٹی جہانی منڈی ٹی کروڈ آئل نا نہاد 68 ڈالر فی میٹرک ٹن اسکان سرمسنے۔
