اسلام آباد۔ 10جون (اے پی پی) بنجائی وزیر قومی غذائی رکھ وپٹ وپول سید فخرامام پارینے کہ زرگزران نا گچینی کن کرپاس نا فصل بھاز اہمیت تخک، پمبہ نا کم آن کم کمکی نہاد ءِ زوت درستی راستی کرفنگک۔ داخیال آتا درشانی ءِ او پنچ شنبے نادے آ کرپاس نا بابت اڈہلوک آ دیوان اٹی کرے دیوان اٹی چیئرمین ٹی سی پی، ایم ڈی پاسکو، پاکستان بزغرسیوت نا صدر، کرپاس نا کشارگر و وزارت نا عہدیدار آک بشخ ہلکر۔ دیوان اٹی پاننگاکہ پمبہ نا کم آن کم کمکی نہاد ءِ زوت درستی راستی کرفنگک۔ بنجائی وزیرپارے کہ دااولیکو موقع ءِ ہراتم کرپاس کن کم آن کم امدادی نہاد متعین کننگک۔ دیوان اٹی داہم پاننگاکہ ہرافتے تون بہاکنننگ کن اسہ ہی گانٹھ اس ارے اوفتے جننگ فیکٹری تا کمک اٹ اکاموڈیٹ کننگک تانکہ اوکارٹلائزیشن آن بچنگ کیر۔ بنجائی وزیرپارے کہ کرپاس پاکستان نا زرگزران کن ایلوفصل آتیان ایڑتر ءِ ہنداخاطرآن کرپاس نا فصل ءِ حکمت عملی آن بچفنگانے۔
