قومی شاہراہ تیا ٹریفک شکست آتے ٹی کمتی اتنگ کن اسہ جوان ءُ حکمت عملی اس جوڑ کننگ نا گرج ءِ، گورنر بلوچستان امان اللہ خان یاسین زئی

کوئٹہ۔ 10جون (اے پی پی) گورنر بلوچستان امان اللہ خان یاسین زئی ءِ مچ آ صوبہ ٹی قومی شاہراہ تیا ٹریفک شکست آتا توننگ نا بابت حوال تننگا۔ داوخت آ گورنر بلوچستان امان اللہ خان یاسین زئی پارے کہ قومی شاہراہ تیا ٹریفک شکست آتے ٹی کمتی اتنگ کن اسہ جوان ءُ حکمت عملی اس جوڑ کننگ نا گرج ءِ۔ پوسکن آ خواست آتیان ہم گرنچ کانود سازی نا کمک اٹ صوبہ ٹی ودوک آ ٹریفک شکست آتا مون ءِ توننگ مریک۔ گورنر یاسین زئی مستی پارے کہ حکومتی گام گیج آتون اوار اوار غٹ شاریک خاص وڑاٹ ڈیور آتے تینا زمواری ءِ پورو کروئی مریک۔ حوال اٹی ڈی آئی جی موٹروے پولیس جاوید علی مہر، صوبائی سیکرٹری ٹرانسپورٹ عبدالفتح بھنگر و پرنسپل سیکرٹری ٹو گورنر بلوچستان شاہنواز علی ئسک ہم ساڑی ئسر۔