اسلام آباد۔ 09جون (اے پی پی) وزیراعظم عمران خان ستارہ مارکیٹ اسلام آباد اٹی اولیکو ون ونڈو احساس سینٹر نا بناءِ کرے۔ چارشنبے نادے آ وزیراعظم نا خصوصی کمکار راجی آسراتی و تخفیف نیزگاری ڈاکٹر ثانیہ نشتر وزیراعظم ءِ ون ونڈو سینٹر و احساس ون ونڈو ڈٹ آ حوال تس۔ داوخت آ وزیراعظم نیال اس ہم خلک۔ اسلام آباد اٹی اولیکو ون ونڈواحساس سینٹرآنبار ملک انا ہر ضلع ٹی احساس ون ونڈو سینٹر ملنگک۔ احساس ون ونڈو ہند اٹ اسہ چھت انا کیرغ آن احساس نا غٹ آسراتی و خذمت اسکان رسینگ ممکن مریک۔ احساس نا ون ونڈو گام گیج نا شش جزو ءُ۔ احساس ون ونڈو ہند دانا اولیکو جزو ءِ۔ ون ونڈو گام گیج نا ایلو بشخ آتے ٹی ڈیجیٹل انفارمیشن و سروسز پلیٹ فارم، موبائل ایپ، بیک آفس نا جم ڈیجیٹل انٹرفیس، مربوط ڈیٹابیس و اسہ وڑ ومربوط بینیفیشری ٹارگٹنگ پالیسی اوار ءُ۔
