اسلام آباد۔ 09جون (اے پی پی) وزیراعظم عمران خان پارینے کہ احساس پروگرام فلاحی ریاست نا جوڑ کننگ نا بنداو ءِ، دااسہ جوان ءُ گام گیج اسے، داپروگرام و ہائیر ایجوکیشن کمیشن نا رداٹ طالب علم آتے تروک آ اسکالر شپ آتے اسہ ڈیٹابیس آ اتنگے۔ اوچارشنبے نادے آ ستارہ مارکیٹ اسلام آباد اٹی اولیکو ون ونڈو احساس سینٹر نا بناءِ کننگ نا وخت آ گپ وتران کریکہ۔ اوپارے کہ دا آسودہی ریاست نا کنڈآ اسہ بنداوی ءُ گام اسے، ہراتم حساب وکتاب دوئی مریک تو ہدف آتا تعین ءِ کننگ اٹ آسانی مریک۔ اوداوخت آ ڈاکٹر ثانیہ نشتر واونا ٹیم انا کارکڑد نا ستاءِ ہم کرے۔ داوخت آ وزیراعظم نا خصوصی کمکار راجی آسراتی و تخفیف نیزگاری ڈاکٹر ثانیہ نشتر وزیراعظم ءِ ون ونڈو سینٹر و احساس ون ونڈو ڈٹ آ حوال تس۔ وزیراعظم ءِ پاننگاکہ داپروگرام پوسکن آ ٹیکنالوجی تون ہم گرنچ مریک ہرانا رداٹ قابل و ضرورت مند طالب علم آتے اسکالر شپ ہم تننگک۔ اوپارے کہ او ہرضلع ٹی احساس ون ونڈو سینٹر جوڑ کننگ نا وزیراعظم نا قول ءِ عملی دروشم اس ایتک۔ داپروگرام نا رداٹ چنکو مد اسے ٹی رجسٹریشن و ریکارڈ دوئی مریک۔ داوخت آ وزیراعظم نیال اس ہم خلک۔ اسلام آباد اٹی اولیکوون ونڈو احساس سینٹر آنبار ملک انا ہرضلع ٹی احساس ون ونڈو سینٹر ملنگک۔ احساس ون ونڈو ہند اٹ اسہ چھت اناکیرغ آن احساس نا غٹ آسراتی و خذمت اسکان رسینگ ممکن مریک۔ احساس نا ون ونڈوگام انا شش جزو ءُ۔ احساس ون ونڈو ہند دانا اولیکو جزوءِ۔ ون ونڈو گام انا ایلو بشخ آتے ٹی ڈیجیٹل انفارمیشن و سروسز پلیٹ فارم، موبائل ایپ، بیک آفس نا جم ڈیجیٹل انٹرفیس، مربوط ڈیٹا بیس و اسہ وڑومربوط بینیفیشری ٹارگٹنگ پالیسی اوار ءُ۔ وزیراعظم داوخت آ سینٹر اٹی ساڑی کنوئی آ گڑاتا نہاد آتا ہم جاچ ءِ ہلک۔
