اسلام آباد۔ 09جون (اے پی پی) صدر مملکت ڈاکٹر عارف علوی ای کامرس نا اہمیت ءِ تالان کرسا پارینے کہ پاکستان نا ایمازون سیلرآتا لڑاٹ اوار مننگ آن ملکی برآمد آتے مون آ دننگ دوئی مریک و ورناانٹرپرینیورآتے کن ملازمت آتا وارخواہی ودی مریک، داڑآن چنکا و نیامی درجہ نا کاروباری ادارہ غاتا جہانی مارکیٹ اسکان رسینگ اٹ ودکی مریک، جہانی مارکیٹ اٹ مسابقتی برتری کن مصنوعات آتا ویلیو ایڈیشن آ چکار کننگ نا گرج ءِ۔ داخیال آتا درشانی ءِ او چارشنبے نادے آ اسہ بریفنگ دیوان اسے نا کماشی ءِ کرسا کرے۔ چیف ایگزیکٹو آفیسر انابلرز ثاقب اظہر پاکستان نا ایمازون سیلرز فہرست اٹ اوار مننگ نا رداٹ مون آ بروک آ موقع نا بابت حوال تس۔ دیوان اٹی چیف ایگزیکٹو آفیسر انابلرزثاقب اظہر، چیئرمین نیوٹیک سید جاوید حسن، سینئر جوائنٹ سیکرٹری وزارت واپار عائشہ حمیراموریانی، چندی ای کامرس ادارہ غاتا سینئر باسک آک، ایف بی آر، اسٹیٹ بینک انا نمائندہ و بڑزکو سرکاری کمامدارآک ساڑی ئسر۔
