اقتصادی راہداری منصوبہ ئَ نہ الما بلوچستان بلکں پاکستان دیمروی ئِ راہ ئَ روان بیت، بلوچستان ئَ امن ئُُ ایمنی ئِ ھاترئَ فرنٹیئر کور بلوچستانئِ کرد مثالی انت
لورالائی۔ 25مارچ( اے پی پی) بنجاہی وزیر داخلہ چوہدری نثار علی خانئَ گشتگ انت کہ پاک چین اقتصادی راہداری منصوبہ نہ الما بلوچستان بلکں پاکستانئِ ھواری ئَ درستیں خطہئِ تقدیر بدل کنت، سی پیک ئِ نا کامیئِ ھاترئَ دژمن قوت لہتیں وڑیں سازشت ئَ دست گٹ انت۔ سلاہ بندیں اُرد اے سازشت آں نا کار جوڑ کنگئِ ھاترئَ کوشاں انت، بلوچستانئَ امن ئُُ ایمنی ئِ ھاتر ئَ فرنٹیئر کور بلوچستان، پولیس ئُُ فوج پاکستان ئِ کرد مثالی انت، ایف سی بلوچستان ئَ نوکی ئَ ھوار بوﺅکیں ورنا آنی کوپگ ئَ صوبہ ئِ دیمروی ئِ مخالف نا شرکار آنی ھلاسی کنگئِ مزنیں ذمہ واری بیت۔ اے ھیال آنی درشانی آئی ئَ ہفتگ ئَ لورالائی ئَ فرنٹیئر کور بلوچستانئِ 60می پاسنگ آﺅٹ پریڈ ئِ دیوان ئَ تران کنگئَ کرتگ۔ دیوان ئَ صوبائی وزیر ڈاکٹر حامد خان اچکزئی، میر سر فراز بگٹی، عبید اللہ بابت ، رحمت صالح بلوچ، در محمد ناصر، آئی جی ایف سی بلوچستان میجر جنرل ندیم انجم، آئی جی پولیس بلوچستان احسن محبوب ئِ ھواری ئَ دومی حکام ئَ بہر زرتگ ات۔ بنجاہی وزیر داخلہ چوہدری نثار علی کانئَ گشتگ کہ لہتیں مردم وتی ذاتی مفاد ئُُ ڈنی آقا آنی وشی ئِ ھاترئَ صوبہ ئَ امن ئُُ ایمنی حراب کنگ لوٹ انت اے مردم ڈن ملک آرام ئِ زند گوازینگ ئَ انتئُُ بلوچستان ئَ وتی کارندہ آنی ذریعہءَ امن ئُُ ایمنی ئِ مسئلہ پیداک کنگ ئَ انت آئی ئَ گشتگ کہ بلوچستان ئِ اُلس محب وطن انت ئُُ آ اے سازشتی مردم آنی گپ ئَ نہ آینت بنجاہی وزیر ئَ گشتگ کہ آ مزن وزیر محمد نواز شریف ئِ گوں سفارشت بہ کنت کہ آ بلوچستان ئَ امن ئُُ ایمنی اڈ دئیگئِ ھاتر ئَ فرنٹیئر کور بلوچستان ئِ دِگہ کمک بہ کنت تنکہ ایف سی ئَ بلوچستان ئَ امن ئُُ ایمنی ئِ ھاتر ئَ مسئلہ آنی دیمپانی مہ بیت، آئی ئَ گشتگ کہ گوستگیں وھدئَ بلوچستان ئِ اُلس ئَ باز مشکل آنی دیمپانی کرتگ نوں اللہ تعالیٰ ئِ فضل ئُُ کرم ئَ سیکورٹی ادارگ آنی محنت ئِ وجہ ئَ بلوچستان دیمروی ئِ راہ ئَ روان انت۔ ایشی ئَ دیما فرنٹیئر کور بلوچستان ئِ 60پاسنگ پریڈ ئَ 5434ورنا آں ھیل کاری دات انت آھاں 1089ئِ سیادی بلوچستان ئَ انت، بنجاہی وزیر داخلہ ئَ فرنٹیئر کور بلوچستان ئِ 60می پاسنگ آﺅٹ پریڈ آﺅٹ ئِ معائنہ کرتگ ئُُ وھدے ھیل کاری شریں کار ئُُ کرد ئِ درشانی کنوک ریکروٹس آں انعام دات انت، بنجاہی وزیر داخلہ لورالائی ئِ آھگ ئِ موہ ئَ سیکورٹی ئِ سک بند ئُُ بست کرتگ ات انت۔
