اسلام آباد۔ 09جون (اے پی پی) وزیر مملکت حوالکاری و شینکاری فرخ حبیب پارینے کہ استیفہ غاتاہیت ءِ کریر، داآرپار آن پد داسہ خوار مسنو، الہ نت تے ہلنگ، مریم مزاحمت و ولدا مفاہمت نا ہیت ءِ کننگ ءِ، خاہوت اٹ جنگ ءِ میڈیا غا برسا ڈکھنگ نا کوشست کننگ انگ ءِ، ہراڑے جمہوریت و واک مریک ہموڑے احتساب ہم مریک، مچ آ قوم خنانے نواز شریف نا پانامہ کیس اٹ معاملہ مون آ بس، ٹرائل مس، سزامس، نواز شریف 8ہفتہ نا ضمانت آ لندن آ ہنا و اینو اسکان پدی بتو، اگہ نواز شریف اپیل آتے ٹی سنجیدہ ءِ تو پاکستان آ برے و عدالت آتون مون ایتے، ملک اٹ احتساب و انصاف نا تحریک ءِ عمران خان بناکرے، ن لیگ نا بریف کیس کلچر و جسٹس ریٹائرڈ قیوم ملک نا آڈیوٹیپ ساڑی ءِ۔ اوچارشنبے نادے آ وزارت حوالکاری وشینکاری ٹی پریس کانفرنس آن تران کریکہ۔ وزیر مملکت حوالکاری و شینکاری فرخ حبیب پارے کہ عدالت آک نواز شریف ءِ غٹ عدالتی پراسیس ءِ پورو کننگ آن پد نروک گوندار، نوٹس لندن اٹ تعمیل کرفنگا۔ اوپارے کہ اوڑتون تو جعلی ٹرسٹ ڈیڈ، قطری چھٹی آن بیدس ہچ اس اف ہرافتے عدالت اٹ پیش کننگ کے ولے مریم صفدر داڑے برسا عدلیہ نا آجونا لیکچر تننگ نا بناءِ کیک۔ اوپارے کہ ہراتم عدالت آک فیصلہ کریر تو کنے انت اکن کشار تحریک ءِ دیر اس بناکریسس، مریم صفدر ہدایت کار ئس، بڑزکو عدلیہ نا جج آتا برخلاف ن لیگی وزیر آک و پارلیمنٹ نا باسک آک انت اس ئس کہ پاتور، ہراڑے فیصلہ حق اٹ برے جوان و ہراڑے برخلاف برے نظام خراب ءِ، اوفتے کانود نا حکمرانی ءِ منوئی تمک۔ اوپارے کہ ناصر بٹ نا ویڈیو ءِ بطور شاہدی انت اکن پیش کننگتو، گڑاس داباندات اٹ پدی نریرہ۔ اوپارے کہ ن لیگ والاک بجلی نا بشک اٹی قومی ڈوہ کرسا ہنانو، 50سال اٹی ہچ ءُ ڈیم اس جوڑ کننگتو، ٹیک و پے آ بجلی نا کبین ڈٹ ہم ہندافک خلکر ہرانا سوب آن کیپسٹی پے منٹ اٹ 1500ارب 2023اسکان اداکروئی تمک۔
