اسلام آباد۔ 09جون (اے پی پی) بنجائی وزیر حوالکاری وشینکاری چوہدری فواد حسین پارینے کہ گچین کاری تیٹی شفافیت کن ٹیکنالوجی ءِ کاریم اٹ اتنگ وخت انا اہم ءُ گرج اسے،م حکومت بار ایسوسی ایشن تا راجی آسراتی کن کوشست و سنبرینگوک ءِ، بار ایسوسی ایشن تا سیاست آجوبایدے مریم، حکومت نا داٹی ہچ ءُ مداخلت اس مف، انصاف لائرز فورم نا ویل آتیان معلومدار اُن، اوفتا ایسری کن پبی کوشست کننگک۔ داخیال آتا درشانی ءِ او انصاف لائرز فورم راولپنڈی اسلام آباد نا ڈل اتون گپ وتران کرسا کرے۔ داوخت آ وزیر مملکت حوالکاری وشینکاری فرخ حبیب، وزیراعظم نا خصوصی کمکار سیاسی امور ڈاکٹر شہباز گل و ایڈووکیٹ جنرل نیاز اللہ نیازی ئسک ہم ساڑی ئسر۔ بنجائی وزیر حوالکاری پارے کہ گچین کاری تیٹی شفافیت کن ٹیکنالوجی ءِ کاریم اٹ اتنگ وخت انا اہم ءُ گرج اسے، راولپنڈی، ملتان و پنجاب بارکونسل تینا گچین کاری تے ای و ی ایم آ کرفنگ آ است خواہی نا درشانی ءِ کرینوم، ایلو بار ایسوسی ایشنک ہم ٹیکنالوجی ءِ کاریم اٹ اتنگ آن فائدہ ہرفنگ کیرہ۔ اوپارے کہ ننا سیاست عمران خان تون وابستہ ءِ، پی ٹی آئی ءِ نسخان تننگ نا کوشست کننگاتو سوگو ءُ دیوال اس جوڑمرینہ۔ اوپارے کہ ورناوکیل آتے وام تا فراوانی کن اسٹیٹ بینک تون ہیت مسنے، سرسہب ورناپروگرام نا رداٹ ورناوکیل آتے 10لکھ روپئی اسکان وام تننگ نا سلاہ غا سجفنگ انگ ءِ۔ اوپارے کہ وزیراعظم نا پوسکن آ پاکستان ہاؤسنگ اسکیم اٹ ہم وکیل آتا اوار کننگ آ سجفنگ انگ ءِ۔ بنجائی وزیر حوالکاری تون اوڑدہی کروک آتے ٹی صدر آئی ایل ایف راولپنڈی چوہدری محمدسعید، سینئر نائب صدور سخاوت حسین کاظمی، سید سبطین حسین بخاری، سید ریاض حسین کاظمی، محمد مسعود کھنڈوا، ایڈووکیٹ جنرل نیاز اللہ خان نیازی، مرزاآصف، قیصر عباس، عرفان احمد خان نیازی، صائمہ شجیع، عزیز الرحمان،نعیم الحسن اعوان، ملک طاہر، تصور اقبال بریار، کرنل (ر) سجاداخترملک، مقصود علی، محمد ندیم خان خاکوانی، سردار عمران خالد، سردارمحمد خضر ندیم، ملک شیر محمد، عبداللہ سولنگی، عابد حسین، مبشرندیم، رانا علی عمار، عدنان احمد خان یوسفزئی و عتیق الرحمان صدیقی ئسک اوار ئسر۔
