اسلام آباد۔ 08جون (اے پی پی) وزیر مملکت حوالکاری وشینکاری فرخ حبیب پارینے کہ اِرغ، پچ، ہند انا نعرہ غاتا آڑاٹ زرداری ملکی دولت ءِ پلسا منی لانڈرنگ کرے، جعلی اکاؤنٹس و سوئٹزرلینڈ اٹی سرے ماڑی جوڑ کرے، سندھ اٹی مسٹ میکو وار پیپلزپارٹی نا حکومت ءِ، بیدس نیزگاری، کرپشن و لٹ وپل نا پین انت کارنامہ اس سرتسر، سندھ اٹی نیزگاری نا سوب آن بنجائی حکومت نا کنڈآن احساس ایمرجنسی کیش انا غٹ آن زیات 57 ارب 13کروڑ 39لکھ 96ہزار سندھ اٹی بشخنگا ہراکہ جم فنڈ آتا 35درسد ءُ۔ سے شنبے نادے آ وزیر مملکت حوالکاری و شینکاری فرخ حبیب بلاول زرداری نا بیان آردعمل اٹ پارے کہ بلاول بھٹو زرداری پائے سندھ اناالس ءِ مفت درمان کن ہیلتھ کارڈ انت اکن تفننگ ءِ، پرچی چیئرمین سچ پائے انت خولم ہلنگ نا سپورٹ پرائس 1400آن ودفسا 2000روپئی فی من کننگ نا اثر نُت انا نہاد آتیابفک؟ اوپارے کہ 2008آن 2013اسکان پیپلزپارٹی نا حکومت اٹ فصل آتا گروتھ اوسطا1.25وخت اس کہ آبادی نا گروتھ 2درسد ئس، نماسوب آن ملک اٹی فوڈ سیکورٹی نا ویل ودی مس۔ اوپارے کہ عمران خان نا کماشی ٹی حکومت غذائی رکھ انا بشخ اٹی خودکفالت کن کاریم کننگ ءِ، پرچی چیئرمین مگرمچھ انا خڑینک شولپ بلکن سندھ اٹی کبینی کروک و کوڑی کروک آتا برخلاف ایکشن ہلے۔ داوخت آہم غٹ آن زیات کبین20کلونت انا تھیلاکراچی ٹی بہامننگ ءِ۔ اوپارے کہ پاکستان نا تاریخ اٹ اولیکو وار عمران خان نیزگار، بے سیبو و حقدار آتے سیبو تس و چھت جوڑکرسا تننگ ءِ، کم کٹیا اُراتا تفنگ کن 70ارب نا درخواست دوئی مسنے، بلاول صاحب، السی است خواہی تا عین رداٹ داوڑنا ڈٹ یاپروگرام اس ارے تو مون آ اتے۔ اوپارے کہ ہراصوبہ نا ہَلک 14ارب روپئی نا خولم تے کنیر، الس تینٹ اندازہ خلے کہ ہموجاگہ نا حکمرانک اخس کرپٹ مرور۔ اوپارے کہ ہژدہ می ترمیم آن پد کشت وکشار غٹ صوبہ غاتیانبار سندھ حکومت نا زمواری ءِ کرپاس نا پیدوار ءِ ودفنگ نا جاگہ غا کم انت اکن مس؟ زرداری نا فرنٹ گروپ اومنی گروپ 11شوگر مل خلک ہرانا سوب آن سندھ اٹی کاٹن ایریاغا گنڈیری نا دسنگ بناکرے۔ اوپارے کہ اقوام متحدہ نا فوڈ اینڈ ایگریکلچر آرگنائزیشن رپورٹ نا رداٹ دنیاٹی کنوئی آ گڑاتا نہاد آتے ٹی 40درسد، کنوئی آ تیل اٹی 124درسد ودکی مسنے۔ پیپلزپارٹی نا دور اٹی اسہ سال اٹی غٹ آن زیات کبینی 25درسد آئس۔ اوپارے کہ پٹرول نا نہاد 34ڈالر آن 70ڈالر فی بیرل آ سرمس ولے وزیراعظم جہانی کہول آ ودکی نا بھاریم ءِ نہاد آتے ودفسا پاکستانی الس آ شاغتو۔
