اسلام آباد۔24مارچ( اے پی پی) مزن وزیر محمد نواز شریفءَ گشتگ کہ پاکستان ءُ سری لنکا سارک ءِ مول ءُ مراد ءِ ھاصل کنگ ءِ ھاترءَ یک جاھ کار کت کن اَنت۔ آئی ءَ اے گپ جمعہ ءِ روچءَ مزن وزیر گس ءَ پاک سری لنکا فرینڈ شپ ٹریڈ اینڈ انوسٹمنٹ ایسوسی ایشنءِ صدر افتخار عزیز ءِ گوما گندءُ نندءِ تہا کتگ کہ آئی ءَ را ملک ءِ صدرءِ نیمگءَ چہ تمغہ خدمت ءِ داد دیئگ بوتگ۔ ایسوسی ایشن ءِ نائب صدر ءُ سیکریٹری جنرل ھم افتخارعزیز ءِ ھمراھ بوتگ۔ مزن وزیر محمد نواز شریف ءَ وتی سری لنکا ھم کار رانیل ءُ کراما سنگھے ءِ گوما میاں اوستمانی فورم ءِ موھءَ بوتگیں گندءُ نندءِ ھوالگءَ گپ کتگ ءُ گشتگ کہ پاکستان ءُ سری لنکا سارک ءِ مول ءُ مر اد ءِ ھاصل کنگءِ ھاترءَ یک جاھ کار کت کن اَنت۔ آئی ءَ گشتگ کہ دوھیں ملک آں آزاتیں باپاری منءُ گر ءِ سرجمی ءَ پاھدگ چست کنگ لوٹ ایت۔
