سکھر۔ 07جون (اے پی پی) سندھ انا ضلع گھوٹکی نا علاقہ ڈہرکی نا خڑک ملت ایکسپریس و سرسید ایکسپریس نا نیام اٹ ڈوک لگنگ آن زوال کروک آتا کچ 40اسکان سرمسنے وخت ا س کہ ٹھپی مروک آتا کچ 60آن گدرینگانے۔ شکست نا جاگہ غان ٹرین نا بوگی تیان لاش تے کشنگ نا کاریم ءِ ترند کننگانے، فوج و رینجرنا ورناک کمکی کارروائی تیٹی لگوک ءُ۔ کمامدارآتارداٹ ملت ایکسپریس و سرسیدایکسپریس نا شکست آن پد داتم اسکان 40بندغ آتا لاش آتے کشنگانے۔ ٹھپی مروک آتے گھوٹکی، رحیم یارخان و ایلوہسپتال آتیا گدریفنگانے۔ کمشنر سکھر رفیق مہیسر و ایس ایس پی گھوٹکی عمرطفیل ئسک شکست اٹ 40بندغ آتا زوال کننگ ءِ پک کرینو۔، اوفک پاریر کہ 40لاش ءِ کشنگانے۔ ایس ایس پی گھوٹکی نا پاننگ ءِ کہ 30آن 40بندغ داتم اسکان کیرغ ءُ و پین زوال کننگ نا گڑتی ءِ۔ شکست نا جاگہ غا پارک آرمی و رینجرنا ورناک کمکی کارروائی تیٹی لگوک ءُ۔ ٹرین نا بوگی تے گڈسا مسافرآتے کشنگ انگ ءِ۔ کمکی کارروائی تیٹی آرمی نا ہیلی کیپٹرآک ہم بشخ ہلنگ ءُ۔ حوال آتا رداٹ ملت ایکسپریس کراچی آن سرگودھاوخت اس کہ سرسید ایکسپریس کراچی آ ہناکہ کہ داوخت آ ملت ایکسپریس نا بوگیک ڈہرکی نا خڑک پٹڑی آن دڑنگار، سرسید ایکسپریس ملت ایکسپریس نا پٹڑی آن دڑنگوک آ بوگی تتون ڈوک لگا۔ داشکست ڈہرکی، ریتی لین و اوباڑواسٹیشن نا خڑک آ پیش بس۔ شکست نا حوال ملنگ آ علاقہ ٹی کمکی کارروائی تا بناءِ کننگا۔ پاک فوج انا انجینئرآتا خصوصی ٹیم شکست نا جاگہ کن روانہ مسوسس۔ ٹھپی و زوال کروک آبندغ آتے صادق آباد، ڈہرکی و میرپور ماتھیلونا ہسپتال آتے ٹی گدریفنگانے۔ ریلوائی کمامدارآک پک کرینو کہ ٹرین شکست اٹ زوال کروک آتے ٹی ریلوائی نا 4ملازم ہم اوار ءُ۔ مسافرآتا ٹرین اٹ اختہ مننگ نا گڑتی ءِ ہراڑکن ہیوی مشینری بٹنگ انگانے وخت اس کہ ہندی بندغ آک ہم کمکی سرجزآتے ٹی بشخ ہلنگ ءُ۔
