اسلام آباد۔ 07جون (اے پی پی) وزیرریلوائی اعظم خان سواتی پارے کہ گھوٹکی ٹی ٹرین شکست و اوٹی نہادی جان تا زیان آ است بھاز ہسون ءِ۔ تینا بیان اٹی وزیر ریلوائی پارے کہ اللہ تعالیٰ ایماندارتا درجہ غاتے بڑز کے و خاہوت آتے صبر کننگ نا توفیق ایتے۔ او ٹھپی تا زوت دراخ جوڑی کن دعا کننگ ءِ۔ اوپارے کہ وزیراعظم عمران خان نا پارت آ واقعہ نا جاگہ غا سرمرسا تینٹ ریسکیو آپریشن نا چاروکی ءِ کیوہ۔ آرمی انجینئرآتا خصوصی ٹیم ریلیف آپریشن اٹ پبی کڑد ادا کننگ ءِ۔ ریلوائی و آرمی نا ورناتا کمک اٹ شکست آن پد ریلیف و ریسکیو آپریشن نا بناءِ کننگانے۔ شکست نا دمدستی جاست وپاست کننگک۔
