کوئٹہ۔ 07جون (اے پی پی) گورنر بلوچستان امان اللہ خان یاسین زئی نا گھوٹکی نا خڑک ٹرین شکست اٹ زوال و ٹھپی مروک آ بندغ آتیا است ہسونی نا درشانی ءِ کرینے۔ داخیال آتا درشانی ءِ او گورنرہاؤس آن جاری کروک اسہ بیان اسے ٹی کرے۔ گورنر بلوچستان امان اللہ خان یاسین زئی ٹرین شکست اٹ زوال کروک آتا بخشش و ٹھپی مروک آتا زوت دراخ جوڑی کن دعا کرے۔ اودعاکرے کہ اللہ تعالیٰ زہمی خاہوت آتے صبر و داصدمہ ءِ سگنگ نا حوصلہ ایتے۔
