ریاستی سروک آک و حکومت و اونا وزیرآتا وڈی خوری آن ملک آک وام تا مین اٹ ڈبنگرہ، وزیراعظم عمران خان نا ٹویٹ

اسلام آباد۔ 06جون (اے پی پی) وزیراعظم عمران خان پارینے کہ ہراتم ریاستی سروک آک و حکومت واونا وزیرآک وڈی خورمریرہ تو ملک آک وام تا مین اٹ ڈبنگرہ واوفتا خواتہ پیش تمک۔ اوداہیت ءِ یک شنبے نادے آ راجی رابطہ نا ویب سائٹ ٹوئٹر آ جاری ٹویٹ اٹی پارینے۔ وزیراعظم پارے کہ ہراتم شیفکو کہول انا کمامدارآک رشوت ہلیرہ تو داڑآن لس شاری تیکن ویل ودی مریک انتئے کہ رشوت نا پیسہ اسہ وڑٹ اوفتیا محصول نا مانند ءِ، ولے ہراتم سربراہان ریاست/حکومت واونا وزیر آک وڈی خورمریرہ تو ملک آک وام تا مین اٹ ڈبنگرہ و اوفتا خواتہ پیش تمک۔ وزیراعظم تینا ٹویٹ اٹی امریکی صدر جوبائیڈن نا ساڑی آ”میمورنڈم آن ایسٹبلشنگ دی فائیٹ اگینسٹ اینٹی کرپشن از اے کوریونائیٹڈ سٹیٹیس نیشنل سیکورٹی انٹرسٹ“ نا اقتباس ءِ ہم شیئر کرینے ہراٹی صدر جوبائیڈن تینا سینئرآفیسر آتے اسلوب حکمرانی ٹی گچینی، ناروا مالیت نا غٹ حالیت آتامقابلہ ءِ کننگ، وڈی خور زموار و اوفتا کمکار آتے سزاتننگ وکرپشن ناتوننگ کن ملکی و جہانی ادارہ غاتا کاریم نا کچ اٹ گچینی کن چندی ایجنسی و ادارہ غاتا جاچ عمل اختیار کننگ نا پارت کرینے۔ دایات داشت نا پیراگراف اول اٹ پاننگانے کہ ”وڈی خوری السی پت ءِ زندگ آلود، گچین و فعال اسلوب حکمرانی ءِ اپاہج، منڈی تے مسخ خذمت آتا ساف فراوانی ءِ زہمی کیک۔ وڈی خوری آن شونداری نا کوشست آتے نسخان رسینگک و قومی نزوری ٹی ودکی مریک، داانتہاپسندی و نقل مکانی نا ذریعہ ہم ارے۔