لاہور۔ 06جون (اے پی پی) اسپیکر قومی اسمبلی اسد قیصر یک شنبے نادے آ شاعر مشرق ڈاکٹر علامہ اقبال نا مزار آ حاضری تس مزار آ پھل آتا چادراس شاغا ودعاپاتیاکرے۔ مہمان تا کتاب اٹی تینا تاثرآتے نوشتہ کرے۔ اسپیکر قومی اسمبلی نا بننگ آ رینجرز ناچاک و چوبند دستہ اودے سلامی پیش کرے۔ اوکان پد اسپیکر قومی اسمبلی شاہی قلعہ نا دورہ ءِ ہم کرے اوبادشاہی مسجد اٹ پیشیم نا نماز ءِ ہم خوانا۔ قومی اسمبلی نا باسک جنیداکبر، فیض اللہ کموکاو سینیٹر ایوب آفریدی ئسک ہم اوڑتون اوار ئسر۔ یات سلے کہ اسپیکر قومی اسمبلی اسد قیصر ہفتہ نادے آ ٹرین نا کمک اٹ اسلام آباد آن لاہور آ سرمسوسس ریلوائی اسٹیشن آ اسپیکر قومی اسمبلی ءِ جم و جوش اٹ بخیر کننگا ریلوائی بینڈ اودے سلامی پیش کرے۔ داوخت آ سیکورٹی نا سخت بست وبند کننگاسس۔
