اسلام آباد۔ 06جون (اے پی پی) بنجائی وزیر داخلہ شیخ رشید احمد پارینے کہ حکومت ءِ ہچ ءُ خطرہ اس اف، عمران خان مقدر نا سکندر و خوش بخت ءُ انسان اسے، ہرادے نابود، نالائخ، چٹ، نکٹھوو بے کار اپوزیشن اس ملانے، شہباز شریف نا کنڈآن ای سی ایل اٹ پن ءِ شاغنگ ءِ چیلنج کننگ نا تاریخ گدرینگانے، وزیراعظم عمران خان نا ولولہ انگیز سرکڑدہ ئی، حکومتی پالیسی، قوم انا کمک و ویکسی نیشن آن کورونا نا مسٹ میکو ریسہ نا مون ءِ تورینن ولے خیال کننگ نا داسہ ہم گرج ءِ۔ یک شنبے نادے آ اسلام آباداٹی میڈیا تون گپ وتران کرسا اوپارے کہ جہانی ادارہ جان جوڑی نا منت واراُن ہرا ننتون تفے، چین نا ہم منت واری ءِ ہرفنہ ہراپاکستان ءِ ویکسین فراوان کرے، پاک چین سنگتی ہمالیہ آن بڑز ءِ، اسلام آباداٹی کورونا کیس آک زیات ئسر، مرک آتاکچ بھاز زیات ئس ولے اوفتے ٹی کمتی بسنے داڑآ طبی عملہ نا منت واراُن۔ اوپارے کہ ہراطبی عملہ کورونا دین اٹی تینا کسبی خذمت ءِ اداکرسا زندآن دوتے سلار و شہیدی نا مرتبہ غا فائز مسنو۔ اوفک اسہ تاریخ اس ہلانو۔ اسہ سوج اسے نا ورندی ٹی اوپارے کہ پاکستان اٹی ویکسین نا عمل ایلوملک آتیان گچین ءِ، مہالومخلوق اٹ داکنڈآ رجحان الوکہ دابارواٹ پروپیگنڈا کننگاکہ، ہنداخاطرآن مخلوق دانا برخلاف ئسر ولے داسہ رجحان ودی مسنے، ہمسایہ ملک بھارت اٹی ویکسین نا دوئی مفننگ ناکیہی شارتے ٹی بورڈ خلوک نظر بریک ولے پاکستان اٹی اسہ جاگہ اس ہم داوڑنا حالیت اف۔ اوپارے کہ سائنو فارم بھاز جوان ءُ ویکسین اسے۔ فائزر نا بابت گڑتی تا بابت وزیراعظم تینٹ تعلقدار ملک آتون گپ کننگ ءِ۔ اسہ پین سوج اسے نا ورندی ٹی اوپارے کہ ملک اٹی عمران خان ءِ نابود، نالائخ، چٹ، و بے کار اپوزیشن اس ملانے اودسمبرنا تاریخ تسرہ داسہ عمران خان بروک آ مالی سال انا بجٹ ءِ پیش کننگ والا ءِ وعمران خان آن پورو اومیت ءِ کہ اوسرکاری ملازم آتاتنخواہ تیٹی معقول ودکی کیک۔ اوپارے کہ نواز شریف گولی تننگ اٹ سرسہب مس ہنداخاطرآن شہباز شریف ءِ نن پیشن ناملک آ ہِننگ کن الیتون، اوناپن ءِ ای سی ایل اٹ شاغان و داسہ اونا برخلاف رجوع نا وخت گدرینگانے۔ جہانگیر ترین نا مچ آ وونٹ ہم بجٹ اٹ حکومت ءِ ملک۔ اسلام آباد پولیس نا کاریم نا کچ ءِ ودفنگ کن گام گیج کننگ اُن۔ ایگل اسکواڈ اس جوڑ کننگ انگ ءِ، پولیس کن 150موٹرسائیکل و 16گاڈی ہلنگ اُن۔
